Aðrar útgáfur af skjalinu:
PDF
Word Perfect.
Þingskjal 540, 138. löggjafarþing 57. mál: fjarskipti (lækkun jöfnunargjalds og EES-reglur um reiki).
Lög nr. 145 28. desember 2009.
Ákvæði til bráðabirgða.
Lækkun jöfnunargjaldsprósentu skv. 2. gr. gildir afturvirkt frá 1. janúar 2009.
Þingskjal 540, 138. löggjafarþing 57. mál: fjarskipti (lækkun jöfnunargjalds og EES-reglur um reiki).
Lög nr. 145 28. desember 2009.
Lög um breytingu á lögum um fjarskipti, nr. 81/2003, með síðari breytingum.
1. gr.
Við 3. gr. laganna bætist eftirfarandi orðskýring í viðeigandi stafrófsröð: Reikiþjónusta: Símtalsþjónusta, SMS-þjónusta, MMS-þjónusta og önnur gagnaflutningsþjónusta í farsímaneti sem á upphaf hjá viðskiptavini í farsímaneti rekstraraðila hér á landi og lýkur í farsímaneti rekstraraðila í öðru ríki eða er móttekið af viðskiptavini með upphaf í almennu símaneti í öðru ríki og lýkur í farsímaneti rekstraraðila hér á landi.2. gr.
Í stað hlutfallstölunnar „0,65%“ í 3. mgr. 22. gr. laganna kemur: 0,10%.3. gr.
Eftirfarandi breytingar verða á 35. gr. laganna:- Í stað orðsins „reikisímtal“ í 1. mgr. kemur: reikiþjónustu.
- Í stað orðsins „reiki“ í inngangsmálslið 2. mgr. kemur: reikiþjónustu.
- Á eftir orðinu „Hámarksverð“ í c-lið 2. mgr. kemur: í heild- og smásölu.
- Við 2. mgr. bætast fjórir stafliðir, svohljóðandi:
- Reglur um tímamælingar og gjaldfærslur reikisímtala.
- Gjaldtöku fyrir móttöku talhólfsskilaboða í reikiþjónustu.
- Skyldu fjarskiptafyrirtækja til að veita reikiviðskiptavinum sínum persónubundnar upplýsingar um verð og annað tengt gagnaflutningsþjónustu í reiki.
- Skyldu fjarskiptafyrirtækja til að gera reikiviðskiptavinum sínum kleift að fylgjast með gagnaflutningsnotkun sinni á grundvelli verðs og magns og veita þeim kost á að velja efstu mörk fyrir slíka þjónustu yfir ákveðið tímabil.
4. gr.
Lög þessi öðlast þegar gildi.Samþykkt á Alþingi 19. desember 2009.
