Aðrar útgáfur af skjalinu:
PDF
Word Perfect.
Þingskjal 1374, 138. löggjafarþing 576. mál: upprunaábyrgð á raforku (EES-reglur).
Lög nr. 80 24. júní 2010.
Þingskjal 1374, 138. löggjafarþing 576. mál: upprunaábyrgð á raforku (EES-reglur).
Lög nr. 80 24. júní 2010.
Lög um breyting á lögum nr. 30/2008, um upprunaábyrgð á raforku sem framleidd er með endurnýjanlegum orkugjöfum o.fl.
1. gr.
Við 2. gr. laganna bætast tveir nýir töluliðir, svohljóðandi:- Samvinnsla raf- og varmaorku: Samhliða vinnsla raforku, varmaorku og/eða vélrænnar orku í einu og sama vinnsluferlinu sem uppfyllir viðmiðanir um góða orkunýtni.
- Upprunaábyrgð á raforku frá samvinnslu: Staðfesting á að raforka sé framleidd með samvinnslu sem hefur góða orkunýtni samkvæmt viðmiðunum sem Orkustofnun setur.
2. gr.
Við 1. mgr. 4. gr. laganna bætist: og tilskipunar Evrópuþingsins og ráðsins 2004/8/EB frá 11. febrúar 2004 um að auka samvinnslu raf- og varmaorku sem byggist á eftirspurn eftir notvarma á innri orkumarkaðinum og um breytingu á tilskipun 92/42/EBE.3. gr.
Eftirfarandi breytingar verða á 6. gr. laganna:- Í stað orðanna „tilskipunar Evrópuþingsins og ráðsins 2001/77/EB frá 27. september 2001 um að auka framleiðslu rafmagns með endurnýjanlegum orkugjöfum til notkunar á innri raforkumarkaði“ í 6. tölul. kemur: viðeigandi tilskipunar sem er hluti af EES-samningnum.
- Við greinina bætast þrír nýir töluliðir, svohljóðandi:
- Lægra brennslugildi eldsneytis þess orkugjafa, sem raforkan er framleidd með, og hvernig varmi, sem verður til um leið og raforkan, er notaður.
- Magn raforku sem kemur frá samvinnslu með góða orkunýtni sem ábyrgðin tekur til.
- Sparnað frumorku sem er reiknaður út í samræmi við viðmiðanir um góða orkunýtni.
4. gr.
Á eftir orðunum „endurnýjanlegum orkugjöfum“ hvarvetna í 1., 3., 4., 5., 7. og 8. gr. laganna, nema í lokamálslið 1. mgr. 4. gr., kemur: eða samvinnslu raf- og varmaorku.5. gr.
Lög þessi fela í sér innleiðingu á ákvæðum tilskipunar Evrópuþingsins og ráðsins 2004/8/EB frá 11. febrúar 2004 um að auka samvinnslu raf- og varmaorku sem byggist á eftirspurn eftir notvarma á innri orkumarkaðinum og um breytingu á tilskipun 92/42/EBE, að því er varðar upprunaábyrgðir vegna samvinnslu raf- og varmaorku í aflstöðvum öðrum en jarðvarmavirkjunum.6. gr.
Lög þessi öðlast þegar gildi.Samþykkt á Alþingi 15. júní 2010.