Lagasafn. Íslensk lög 1. september 2026. Útgáfa 157c. Prenta í tveimur dálkum.
Forsetaúrskurður um sendiráð, fastanefndir hjá alþjóðastofnunum og aðalræðisskrifstofur
2025 nr. 60 8. september
Tók gildi 12. september 2025.
Samkvæmt tillögu utanríkisráðherra og með vísan til 4. gr. laga nr. 39/1971, um utanríkisþjónustu Íslands, eru hér með sett eftirfarandi ákvæði:
1. a. Sendiráð skulu vera í Berlín, Brussel, Freetown, Genf, Helsinki, Kampala, Kaupmannahöfn, Lilongwe, London, Madríd, Moskvu, Nýju-Delí, Ottawa, Ósló, París, Peking, Róm, Stokkhólmi, Tókýó, Varsjá, Vín og Washington. Sendiráðin í Genf, London, París, Róm og Vín skulu jafnframt gegna hlutverki fastanefnda gagnvart nánar tilteknum alþjóðastofnunum sem Ísland á aðild að.
b. Fastanefndir skulu vera í Brussel, New York og Strassborg. Fastanefndin í New York skal jafnframt gegna hlutverki sendiráðs gagnvart nánar tilteknum ríkjum.
c. Aðalræðisskrifstofur skulu vera í Nuuk, Winnipeg og Þórshöfn.
2. Umdæmi sendiráða skulu vera sem hér segir:
a. Berlín. Auk Þýskalands skal umdæmi sendiráðsins vera Tékkland.
b. Brussel. Auk Belgíu skal umdæmi sendiráðsins vera Holland og Lúxemborg. Sendiráðið skal gegna hlutverki sendiskrifstofu gagnvart Evrópusambandinu (EU).
c. Freetown. Umdæmi sendiráðsins skal vera Síerra Leóne.
d. Genf. Auk Sviss skal umdæmi sendiráðsins vera Liechtenstein og Páfagarður. Sendiráðið skal gegna hlutverki fastanefndar gagnvart Fríverslunarsamtökum Evrópu (EFTA), skrifstofu Sameinuðu þjóðanna í Genf (UNOG), Alþjóðaviðskiptastofnuninni (WTO), Alþjóðafjarskiptasambandinu (ITU), Alþjóðaheilbrigðismálastofnuninni (WHO), Alþjóðahugverkastofnuninni (WIPO), Alþjóðaveðurfræðistofnuninni (WMO) og Alþjóðavinnumálastofnuninni (ILO).
e. Helsinki. Auk Finnlands skal umdæmi sendiráðsins vera Eistland, Lettland og Litáen.
f. Kampala. Umdæmi sendiráðsins skal vera Úganda.
g. Kaupmannahöfn. Auk Danmerkur skal umdæmi sendiráðsins vera Grikkland.
h. Lilongwe. Umdæmi sendiráðsins skal vera Malaví.
i. London. Auk Bretlands skal umdæmi sendiráðsins vera Írland og Malta. Sendiráðið skal gegna hlutverki fastanefndar gagnvart Alþjóðasiglingamálastofnuninni (IMO).
j. Madríd. Auk Spánar skal umdæmi sendiráðsins vera Andorra, Argentína, Chile, Kólumbía, Perú og Venesúela.
k. Moskva. Umdæmi sendiráðsins skal vera Rússland.
l. Nýja-Delí. Auk Indlands skal umdæmi sendiráðsins vera Ástralía, Nepal, Nýja-Sjáland og Srí Lanka.
m. Ottawa. Umdæmi sendiráðsins skal vera Kanada.
n. Ósló. Auk Noregs skal umdæmi sendiráðsins vera Egyptaland, Pakistan og Tyrkland.
o. París. Auk Frakklands skal umdæmi sendiráðsins vera Alsír, Líbanon, Marokkó, Mónakó, Portúgal og Túnis. Sendiráðið skal gegna hlutverki fastanefndar gagnvart Efnahags- og framfarastofnuninni (OECD) í París og Menningarmálastofnun Sameinuðu þjóðanna (UNESCO) í París.
p. Peking. Auk Kína skal umdæmi sendiráðsins vera Mongólía og Víetnam.
q. Róm. Umdæmi sendiráðsins skal vera Ítalía og San Marínó. Sendiráðið skal gegna hlutverki fastanefndar gagnvart Matvæla- og landbúnaðarstofnun Sameinuðu þjóðanna (FAO), Matvælaáætlun Sameinuðu þjóðanna (WFP) og Alþjóðasjóði um þróun landbúnaðar (IFAD).
r. Stokkhólmur. Auk Svíþjóðar skal umdæmi sendiráðsins vera Kýpur.
s. Tókýó. Auk Japans skal umdæmi sendiráðsins vera Filippseyjar, Indónesía, Singapúr, Suður-Kórea og Taíland. Sendiráðið skal gegna hlutverki sendiskrifstofu gagnvart Sambandi Suðaustur-Asíuríkja (ASEAN) í Jakarta.
t. Varsjá. Auk Póllands skal umdæmi sendiráðsins vera Búlgaría, Georgía, Moldóva, Rúmenía og Úkraína.
u. Vín. Auk Austurríkis skal umdæmi sendiráðsins vera Króatía, Slóvenía, Slóvakía og Ungverjaland. Sendiráðið skal gegna hlutverki fastanefndar gagnvart Öryggis- og samvinnustofnun Evrópu (OSCE), skrifstofu Sameinuðu þjóðanna í Vín (UNOV), Alþjóðakjarnorkumálastofnuninni (IAEA) og skrifstofu samningsins um allsherjarbann við tilraunum með kjarnavopn (CTBTO).
v. Washington. Auk Bandaríkjanna skal umdæmi sendiráðsins vera Brasilía og Mexíkó.
3. Fyrirsvar fastanefnda skal vera sem hér segir:
a. Brussel. Fastanefndin skal fara með fyrirsvar gagnvart Atlantshafsbandalaginu (NATO) og stofnunum tengdum því.
b. New York. Fastanefndin skal fara með fyrirsvar gagnvart Sameinuðu þjóðunum (UN) í New York. Jafnframt skal fastanefndin gegna hlutverki sendiráðs og skal umdæmi þess vera Dóminíska lýðveldið og Kúba.
c. Strassborg. Fastanefndin skal fara með fyrirsvar gagnvart Evrópuráðinu (CoE).
4. Umdæmi aðalræðisskrifstofa skal vera sem hér segir:
a. Nuuk. Umdæmi aðalræðisskrifstofunnar skal vera Grænland.
b. Winnipeg. Umdæmi aðalræðisskrifstofunnar skal vera fylkið Manitoba, fylkið Saskatchewan, að undanskilinni borginni Regina, og fylkið Alberta, að undanskildum borgunum Calgary og Edmonton.
c. Þórshöfn. Umdæmi aðalræðisskrifstofunnar skal vera Færeyjar.
5. Utanríkisráðuneytið fer með fyrirsvar gagnvart öðrum alþjóðastofnunum og ríkjum sem Ísland hefur stjórnmálasamband við, m.a. með skipun sendiherra eða fastafulltrúa með búsetu í Reykjavík eftir því sem ástæða er til.
Úrskurður þessi öðlast þegar gildi. Jafnframt fellur úr gildi forsetaúrskurður nr. 93 frá 18. ágúst 2022.
