fæðingar- og foreldraorlof og sorgarleyfi.

Virðulegi forseti. Gott fæðingarorlofskerfi er, eins og við vitum, mikilvægt jafnréttismál sem Sjálfstæðisflokkurinn hefur átt stóran þátt í að þróa og bæta. Jafnrétti er einn af hornsteinum stefnu Sjálfstæðisflokksins enda byggir það á frelsi einstaklingsins og við teljum að með því sé lagður grunnur að góðum lífskjörum og velferð alls samfélagsins. Ég kem því upp til þess að lýsa yfir stuðningi okkar Sjálfstæðismanna við þetta mál en við hófum þessa vegferð undir lok síðasta kjörtímabils þegar við tryggðum það hér í þingsal, fyrir tilstilli okkar Sjálfstæðismanna og meiri hlutans, að hækkunin þá tæki til allra óháð fæðingardegi. Afstaða okkar er auðvitað ekki óvænt því að við Sjálfstæðismenn, m.a. hæstv. forseti hér, hv. þm. Bryndís Haraldsdóttir, lögðum fram breytingartillögu sama efnis sem var reyndar felld af meiri hlutanum með einhverjum sparðatíningi og ótrúlegum afsökunum. En ég segi bara enn og aftur: Það er sama hvaðan gott kemur og við styðjum þetta mál.