16. fundur
efnahags- og viðskiptanefndar á 140. löggjafarþingi
haldinn í Austurstræti 8-10, þriðjudaginn 22. nóvember 2011 kl. 13:00


Mættir:

Helgi Hjörvar (HHj) formaður, kl. 13:00
Birkir Jón Jónsson (BJJ), kl. 13:00
Guðlaugur Þór Þórðarson (GÞÞ), kl. 13:00
Lilja Rafney Magnúsdóttir (LRM), kl. 13:00
Lilja Mósesdóttir (LMós), kl. 13:00
Magnús Orri Schram (MSch), kl. 13:00
Margrét Tryggvadóttir (MT), kl. 16:24
Skúli Helgason (SkH), kl. 13:00
Tryggvi Þór Herbertsson (TÞH), kl. 13:00
Þráinn Bertelsson (ÞrB), kl. 13:00

Nefndarritari: Eiríkur Áki Eggertsson

Bókað:

1) Fundargerðir síðustu funda. Kl. 13:00
Drögum af fundargerð síðasta fundar, nr. 15, var dreift en afgreiðslu frestað til næsta fundar.

2) Efnahagsstefna ríkisstjórnarinnar, tillögur Framsóknarflokks og tillögur Sjálfstæðisflokks. Kl. 13:05 - Opið fréttamönnum
Á fundinn komu Árni Páll Árnason efnahags- og viðskiptaráðherra og Björn Rúnar Guðmundsson frá ráðuneytinu, Hannes Sigurðsson og Halldór Árnason frá Samtökum atvinnulífsins, Gylfi Arnbjörnsson og Ólafur Darri Andrason frá Alþýðusambandi Íslands.

Fyrir fundinum lá að ræða stefnu ríkisstjórnarinnar í efnahagsmálum og tillögur Framsóknarflokks og Sjálfstæðisflokks í í þeim efnum, sbr. mál nr. 2, mál nr. 5 og mál nr. 142. Á fundinum var auk framangreindra þingmála dreift efnahagsáætlun efnahags- og viðskiptaráðuneytisins Nóvember 2011 sem ráðherra hefur áður kynnt fyrir nefndinni.

Að loknum inngangi formanns og framsögum gesta svöruðu gestirnir spurningum nefndarmanna.

Þessi hluti fundarins var opinn fjölmiðlum, sbr. 2. mgr. 19. gr. laga um þingsköp Alþingis.

3) Átaksverkefni ASÍ, SA og RSK. Kl. 15:15
Á fundinn komu Halldór Grönvold og Þorbjörn Guðmundsson frá Alþýðusmabandi Íslands, Aðalsteinn Hákonarson og Jóhann Ásgrímsson frá ríkisskattstjóra og Vilhjálmur Egilsson frá Samtökum atvinnulífsins.

Gestirnir gerður grein fyrir helstu niðurstöðum átaksverkefnis ASÍ, SA og RSK um eflingu góðra atvinnuhátta og svöruðu að því búnu spurningum nefndarmanna. Skýrslan kom út 2. nóvember sl. og var dreift á fundinum.

4) 191. mál - hlutafélög og einkahlutafélög Kl. 16:15
Á fundinn komu Jón Ögmundur Þormóðsson frá efnahags- og viðskiptaráðuneytinu, Bryndís Gunnlaugsdóttir, Skúli Jónsson og Aðalsteinn Hákonarson frá ríkisskattstjóra og Vilhjálmur Egilsson frá Samtökum atvinnulífsins.

Fulltrúar RSK og SA lýstu viðhorfum sínum til málsins og svöruðu spurningum nefndarmanna.

5) Hæfi forstjóra Fjármálaeftirlitsins. Kl. 16:45
Á fundinn komu Aðalsteinn Leifsson formaður stjórnar Fjármálaeftirlitsins og Andri Árnason hrl.
Gestirnir fóru í upphafi yfir stuttlega yfir aðdraganda málsins og álitsgerð er varðaði hæfi forstjóra FME frá 2. nóvember sl. Að því búnu svöruðu þeir spurningum nefndarmanna.

Formaður óskaði eftir því að gestirnir kæmu á framfæri minnisblaði við nefndina vegna þeirra spurninga sem ósvarað var í lok fundarins.

6) 1. mál - fjárlög 2012 Kl. 17:40
Dreift var drögum að að áliti meiri hluta nefndarinnar til fjárlaganefndar en afgreiðslu málsins frestað í kjölfar athugasemda einstakra nefndarmanna.

7) 12. mál - úttekt á neytendavernd á fjármálamarkaði Kl. 17:40
Dreift var drögum að áliti til allsherjar- og menntamálanefndar en afgreiðslu frestað.

8) Önnur mál. Kl. 17:40
Formaður vakti athygli nefndarmanna og formanns stjórnar Fjármálaeftirlitsins, Aðalsteins Leifssonar, á því að borist hefðu athugasemdir frá forstjóra FME til nefndarinnar í tilefni af fundi sem fulltrúar stofnunarinnar áttu með nefndinni 14. nóvember sl. Athugasemdirnar varða 2. málsl. 1. mgr. 19. gr. þingskaparlaga og taldi formaður sjálfsagt að fara nánar yfir það mál í nefndinni.

Magnús Orri vék af fundi um kl. 14:15.
Margrét Tryggvadóttir sat fundinn sem áheyrnarfulltrúi.

Fundi slitið kl. 17:40