13. fundur
velferðarnefndar á 143. löggjafarþingi
haldinn í Austurstræti 8-10, mánudaginn 25. nóvember 2013 kl. 10:00

Mættir:

Sigríður Ingibjörg Ingadóttir (SII) formaður, kl. 10:00
Þórunn Egilsdóttir (ÞórE) 1. varaformaður, kl. 10:00
Björt Ólafsdóttir (BjÓ) 2. varaformaður, kl. 10:00
Ásmundur Friðriksson (ÁsF), kl. 10:00
Elín Hirst (ElH), kl. 10:05
Katrín Júlíusdóttir (KaJúl), kl. 11:26
Páll Jóhann Pálsson (PJP), kl. 10:00
Steinunn Þóra Árnadóttir (SÞÁ) fyrir LRM, kl. 10:00
Unnur Brá Konráðsdóttir (UBK), kl. 10:16

KaJúl var á fundi í umhverfis- og samgöngunefnd þar til hún koma á fundinn kl. 11:26.

Nefndarritari: Heimir Skarphéðinsson

Bókað:

Samþykkt fundargerða var frestað.

Nefndin tók til umfjöllunar 185. mál og fékk á sinn fund Bolla Þór Bollason og Rún Knútsdóttur frá velferðarráðuneytinu. Kynntu þau efni frumvarpsins og svöruðu spurningum nefndarmanna.

Nefndin tók til umfjöllunar 186. mál og fékk á sinn fund Einar Njálsson og Björn Sigurbjörnsson frá velferðarráðuneytinu. Kynntu þeir efni frumvarpsins og svöruðu spurningum nefndarmanna.

Nefndin hélt áfram umfjöllun sinni um 144. mál og fékk á sinn fund Sigríði Lillý Baldursdóttur og Höllu Bachmann frá Tryggingastofnun. Gerðu þær grein fyrir umsögn stofnunarinnar og svöruðu spurningum nefndarmanna.

Þegar ofangreindir gestir höfðu yfirgefið fundinn komu á fundinn Margrét Steinarsdóttir frá Mannréttindaskrifstofu Íslands, Þorbjörn Guðmundsson frá Samiðn og Þórey S. Þórðardóttir frá Landssamtökum lífeyrissjóða. Gerðu þau grein fyrir sínum umsögnum og svöruðu spurningum nefndarmanna.

Formaður lagði til að málið yrði afgreitt frá nefndinni sem var samþykkt af öllum viðstöddum.

Að nefndaráliti standa: SII, ÞórE, ÁsF, ElH, KaJúl, PJP og UBK.

Formaður lagði til að álit nefndarinnar til utanríkismálanefndar yrði afgreitt sem var samþykkt af öllum viðstöddum og stendur nefndin öll að álitinu.

Fleira var ekki gert.

Fundi slitið kl. 12:10