Aðrar útgáfur af skjalinu: PDF - Word Perfect. Ferill 557. máls.
131. löggjafarþing 2004–2005.
Þskj. 1158 — 557. mál.
heilbrigðis- og tryggingamálaráðherra við fyrirspurn Láru Margrétar Ragnarsdóttur um stjórnarfyrirkomulag Landspítala – háskólasjúkrahúss.
1. Hyggst ráðherra staðfesta fram komnar tillögur um breytingar á stjórnarfyrirkomulagi Landspítala – háskólasjúkrahúss eða ætlar hann að fara fram á endurumfjöllun og endurskoðun á þeim?
Engar tillögur hafa borist ráðherra frá stjórnarnefnd eða forstjóra LSH um breytingar á stjórnfyrirkomulagi og því liggja ekki fyrir ákvarðanir um viðbrögð við slíkum tillögum.
Í lögum um heilbrigðisþjónustu, nr. 97/1990, segir í 7. mgr. 30. gr.: „Ráðherra staðfestir stjórnskipulag Landspítala – háskólasjúkrahúss að fengnum tillögum stjórnarnefndar og forstjóra.“ Það stjórnskipurit sem nú gildir á LSH var til umfjöllunar í stjórnarnefnd spítalans 16. febrúar 2000. Það var staðfest með bréfi heilbrigðisráðherra til formanns stjórnarnefndar 6. mars sama ár.
Á þessu skipuriti hafa orðið breytingar á gildistímabilinu m.a. vegna ákvarðana ráðherra. Þannig var rekstrarformi apóteks breytt úr sjálfstæðum rekstri í hefðbundið rekstrarform. Félagsform, sem gefinn er kostur á í framangreindu skipuriti, hefur ekki þótt henta enn sem komið er.
Svokallað sviðakerfi er staðfest í þessu stjórnskipuriti og hefur það því verið við lýði frá upphafi stofnunar LSH. Áður hafði svonefnt sviðakerfi verið á Landspítalanum í u.þ.b. tvo áratugi fyrir sameiningu og á Borgarspítalanum í rúman áratug. Hlutverk sviðsstjóra hefur þó verið nokkuð breytilegt á þessum tíma.
Á undanförnum mánuðum hefur stjórn spítalans gert breytingar á skipulagi og fjölda sviða. Slíkar ákvarðanir þurfa ekki að koma til kasta ráðherra, svo framarlega sem þær eru í samræmi við staðfest stjórnskipurit. Í því tilviki sem hér um ræðir hefur ekkert komið fram sem bendir til annars en að svo sé.
Ráðherra er vel kunnugt um óánægju hluta starfsmanna spítalans með ríkjandi stjórnfyrirkomulag spítalans. Ráðherra hefur átt fundi með stjórnendum spítalans, læknaráði, formanni hjúkrunarráðs og yfirlæknum um þessa óánægju. Gagnrýnin virðist þó ekki fyrst og fremst beinast að sviðakerfinu eða stjórnskipuritinu, heldur fremur að útfærslu þess. Ráðherra hefur beint því til málsaðila að þeir leitist við að leysa þennan vanda innan sjúkrahússins og treystir því að það verði gert.
Í yfirlýsingu forstjóra, formanns læknaráðs og formanns hjúkrunarráðs frá 8. apríl kemur fram sameiginlegur vilji til að vinna markvisst að bættum samskiptum innan sjúkrahússins og að vinna þar að lútandi sé hafin.
2. Munu yfirlæknar sem ekki eru sviðsstjórar halda hefðbundinni stöðu ef sviðsstjórar verða ráðnir?
Nú eru starfandi um þrír tugir sviðsstjóra á LSH og voru flestir þeirra valdir í október 2004 til fjögurra ára. Margir þeirra hafa sinnt þessum hlutverkum frá stofnun spítalans.
Störf og staða yfirlækna á sjúkrahúsinu hefur verið að breytast. Allir halda þeir stöðu sinni þótt sviðsstjórakerfið sé í gildi. Á sumum sviðum hefur aukin ábyrgð verið færð til yfirlækna, ekki síst hvað varðar ábyrgð á fjármálum og rekstri. Er það í samræmi við yfirlýsta stefnu stjórnenda spítalans um aukna dreifstýringu. Á öðrum sviðum gengur þessi þróun hægar.
Mikilvægt er að yfirlæknar, sem bera titil og þiggja laun stjórnenda, axli þá ábyrgð sem því starfi fylgir. Yfirlæknar eru ráðnir/skipaðir á grundvelli mats á faglegri þekkingu þeirra, en sviðsstjórar valdir af framkvæmdastjórn til þess að stýra rekstri sviða.
Komi til þess að hætt verði að velja sviðsstjóra og þeir ráðnir, eins og fyrirspyrjandi virðist gera ráð fyrir, mun það hafa í för með sér töluverðar breytingar á verkaskiptingu og ábyrgðarsviði. Ekki eru uppi nein ákveðin áform um að gera slíka breytingu og því e.t.v. ótímabært að velta vöngum yfir afleiðingum hennar.
Mikilvægast er að samvinna þessara stjórnenda sé eins góð og kostur er og að verkaskipting og ábyrgð sé ljós þannig að sem bestur árangur náist við hin mikilvægu viðfangsefni sjúkrahússins.
131. löggjafarþing 2004–2005.
Þskj. 1158 — 557. mál.
Svar
heilbrigðis- og tryggingamálaráðherra við fyrirspurn Láru Margrétar Ragnarsdóttur um stjórnarfyrirkomulag Landspítala – háskólasjúkrahúss.
1. Hyggst ráðherra staðfesta fram komnar tillögur um breytingar á stjórnarfyrirkomulagi Landspítala – háskólasjúkrahúss eða ætlar hann að fara fram á endurumfjöllun og endurskoðun á þeim?
Engar tillögur hafa borist ráðherra frá stjórnarnefnd eða forstjóra LSH um breytingar á stjórnfyrirkomulagi og því liggja ekki fyrir ákvarðanir um viðbrögð við slíkum tillögum.
Í lögum um heilbrigðisþjónustu, nr. 97/1990, segir í 7. mgr. 30. gr.: „Ráðherra staðfestir stjórnskipulag Landspítala – háskólasjúkrahúss að fengnum tillögum stjórnarnefndar og forstjóra.“ Það stjórnskipurit sem nú gildir á LSH var til umfjöllunar í stjórnarnefnd spítalans 16. febrúar 2000. Það var staðfest með bréfi heilbrigðisráðherra til formanns stjórnarnefndar 6. mars sama ár.
Á þessu skipuriti hafa orðið breytingar á gildistímabilinu m.a. vegna ákvarðana ráðherra. Þannig var rekstrarformi apóteks breytt úr sjálfstæðum rekstri í hefðbundið rekstrarform. Félagsform, sem gefinn er kostur á í framangreindu skipuriti, hefur ekki þótt henta enn sem komið er.
Svokallað sviðakerfi er staðfest í þessu stjórnskipuriti og hefur það því verið við lýði frá upphafi stofnunar LSH. Áður hafði svonefnt sviðakerfi verið á Landspítalanum í u.þ.b. tvo áratugi fyrir sameiningu og á Borgarspítalanum í rúman áratug. Hlutverk sviðsstjóra hefur þó verið nokkuð breytilegt á þessum tíma.
Á undanförnum mánuðum hefur stjórn spítalans gert breytingar á skipulagi og fjölda sviða. Slíkar ákvarðanir þurfa ekki að koma til kasta ráðherra, svo framarlega sem þær eru í samræmi við staðfest stjórnskipurit. Í því tilviki sem hér um ræðir hefur ekkert komið fram sem bendir til annars en að svo sé.
Ráðherra er vel kunnugt um óánægju hluta starfsmanna spítalans með ríkjandi stjórnfyrirkomulag spítalans. Ráðherra hefur átt fundi með stjórnendum spítalans, læknaráði, formanni hjúkrunarráðs og yfirlæknum um þessa óánægju. Gagnrýnin virðist þó ekki fyrst og fremst beinast að sviðakerfinu eða stjórnskipuritinu, heldur fremur að útfærslu þess. Ráðherra hefur beint því til málsaðila að þeir leitist við að leysa þennan vanda innan sjúkrahússins og treystir því að það verði gert.
Í yfirlýsingu forstjóra, formanns læknaráðs og formanns hjúkrunarráðs frá 8. apríl kemur fram sameiginlegur vilji til að vinna markvisst að bættum samskiptum innan sjúkrahússins og að vinna þar að lútandi sé hafin.
2. Munu yfirlæknar sem ekki eru sviðsstjórar halda hefðbundinni stöðu ef sviðsstjórar verða ráðnir?
Nú eru starfandi um þrír tugir sviðsstjóra á LSH og voru flestir þeirra valdir í október 2004 til fjögurra ára. Margir þeirra hafa sinnt þessum hlutverkum frá stofnun spítalans.
Störf og staða yfirlækna á sjúkrahúsinu hefur verið að breytast. Allir halda þeir stöðu sinni þótt sviðsstjórakerfið sé í gildi. Á sumum sviðum hefur aukin ábyrgð verið færð til yfirlækna, ekki síst hvað varðar ábyrgð á fjármálum og rekstri. Er það í samræmi við yfirlýsta stefnu stjórnenda spítalans um aukna dreifstýringu. Á öðrum sviðum gengur þessi þróun hægar.
Mikilvægt er að yfirlæknar, sem bera titil og þiggja laun stjórnenda, axli þá ábyrgð sem því starfi fylgir. Yfirlæknar eru ráðnir/skipaðir á grundvelli mats á faglegri þekkingu þeirra, en sviðsstjórar valdir af framkvæmdastjórn til þess að stýra rekstri sviða.
Komi til þess að hætt verði að velja sviðsstjóra og þeir ráðnir, eins og fyrirspyrjandi virðist gera ráð fyrir, mun það hafa í för með sér töluverðar breytingar á verkaskiptingu og ábyrgðarsviði. Ekki eru uppi nein ákveðin áform um að gera slíka breytingu og því e.t.v. ótímabært að velta vöngum yfir afleiðingum hennar.
Mikilvægast er að samvinna þessara stjórnenda sé eins góð og kostur er og að verkaskipting og ábyrgð sé ljós þannig að sem bestur árangur náist við hin mikilvægu viðfangsefni sjúkrahússins.
