Aðrar útgáfur af skjalinu: PDF - Word Perfect. Ferill 604. máls.
132. löggjafarþing 2005–2006.
Þskj. 1178 — 604. mál.
heilbrigðis- og tryggingamálaráðherra við fyrirspurn Jóns Kr. Óskarssonar um tekjutengingu bóta frá Tryggingastofnun.
Fyrirspurnin hljóðar svo:
Hyggst ráðherra beita sér fyrir því að fella niður eða draga úr tekjutengingu bóta frá Tryggingastofnun ríkisins?
Svar við því hvort ráðherra muni beita sér fyrir því að fella niður tekjutengingu almannatryggingabóta er að ekki standi til að draga úr þeim jöfnuði sem felst í því að hafa bætur tekjutengdar. Ef einstaklingar hafa aðrar tekjur en bætur almannatrygginga og geta framfært sig án tilstuðlan ríkisins er gert ráð fyrir að þeir geri það.
Gildandi lög um tekjutengingar almannatryggingabóta gera ráð fyrir að fólk geti haft aðrar tekjur upp að ákveðnu marki áður en bætur fara að skerðast, svokölluð frítekjumörk. Það er ætíð hægt að deila um það hvar slík frítekjumörk eigi að liggja og um það hver skerðingarprósentan eigi að vera.
Frá janúar 1999 hefur verið dregið verulega úr skerðingum á bótum almannatrygginga með lögum og reglugerðum, nú síðast með lögum sem sett voru í framhaldi af samkomulagi við Landssamband eldri borgara í nóvember 2002. Þá var skerðingarhlutfalli vegna tekjutryggingarauka frá Tryggingastofnun ríkisins breytt úr 67% í 45%.
Forsætisráðherra skipaði í janúar nefnd sem í sitja fulltrúar fjögurra ráðuneyta og Landssambands eldri borgara. Nefndin hefur m.a. það hlutverk að skoða fyrirkomulag tekjutenginga bóta með hliðsjón af skerðingu bóta lífeyrisþega vegna tekjuöflunar þar sem jafnframt verði þó horft til tekjujöfnunarhlutverks tekjutengingar bóta. Er talið rétt að bíða niðurstöðu nefndarinnar áður en fjallað verður frekar um að draga úr tekjutengingum almannatryggingabóta en áætlað er að nefndin ljúki störfum í haust.
132. löggjafarþing 2005–2006.
Þskj. 1178 — 604. mál.
Svar
heilbrigðis- og tryggingamálaráðherra við fyrirspurn Jóns Kr. Óskarssonar um tekjutengingu bóta frá Tryggingastofnun.
Fyrirspurnin hljóðar svo:
Hyggst ráðherra beita sér fyrir því að fella niður eða draga úr tekjutengingu bóta frá Tryggingastofnun ríkisins?
Svar við því hvort ráðherra muni beita sér fyrir því að fella niður tekjutengingu almannatryggingabóta er að ekki standi til að draga úr þeim jöfnuði sem felst í því að hafa bætur tekjutengdar. Ef einstaklingar hafa aðrar tekjur en bætur almannatrygginga og geta framfært sig án tilstuðlan ríkisins er gert ráð fyrir að þeir geri það.
Gildandi lög um tekjutengingar almannatryggingabóta gera ráð fyrir að fólk geti haft aðrar tekjur upp að ákveðnu marki áður en bætur fara að skerðast, svokölluð frítekjumörk. Það er ætíð hægt að deila um það hvar slík frítekjumörk eigi að liggja og um það hver skerðingarprósentan eigi að vera.
Frá janúar 1999 hefur verið dregið verulega úr skerðingum á bótum almannatrygginga með lögum og reglugerðum, nú síðast með lögum sem sett voru í framhaldi af samkomulagi við Landssamband eldri borgara í nóvember 2002. Þá var skerðingarhlutfalli vegna tekjutryggingarauka frá Tryggingastofnun ríkisins breytt úr 67% í 45%.
Forsætisráðherra skipaði í janúar nefnd sem í sitja fulltrúar fjögurra ráðuneyta og Landssambands eldri borgara. Nefndin hefur m.a. það hlutverk að skoða fyrirkomulag tekjutenginga bóta með hliðsjón af skerðingu bóta lífeyrisþega vegna tekjuöflunar þar sem jafnframt verði þó horft til tekjujöfnunarhlutverks tekjutengingar bóta. Er talið rétt að bíða niðurstöðu nefndarinnar áður en fjallað verður frekar um að draga úr tekjutengingum almannatryggingabóta en áætlað er að nefndin ljúki störfum í haust.
