Aðrar útgáfur af skjalinu: PDF - Word Perfect. Ferill 334. máls.
132. löggjafarþing 2005–2006.
Þskj. 506 — 334. mál.
utanríkisráðherra við fyrirspurn Steingríms J. Sigfússonar um fangaflug bandarísku leyniþjónustunnar.
1. Er ráðuneytinu kunnugt um að flugvélar á vegum bandarísku leyniþjónustunnar með fanga eða meinta hryðjuverkamenn, sem hvorki njóta verndar né meðhöndlunar samkvæmt alþjóðasáttmálum, hafi farið um íslenska lofthelgi eða notað Keflavíkur- eða Reykjavíkurflugvöll? Ef svo er, hver voru viðkomandi flugnúmer (N-númer), hvaðan var flogið og hvert og hvaða upplýsingar voru veittar um farm og á hvers vegum flugið væri?
Líkt og fram hefur komið, þar á meðal í svari við fyrirspurn á Alþingi 16. nóvember síðastliðinn, er utanríkisráðuneytinu ekki kunnugt um flug um íslenska lofthelgi eða Keflavíkurflugvöll af því tagi sem talað er um í fyrirspurninni. Bandarísk stjórnvöld hafa ekki sótt um yfirflugs- eða lendingarleyfi fyrir slíkar flugvélar.
Um borgaralega flugumferð gildir sú regla víðast hvar samkvæmt alþjóðasamningum að ekki þarf sérstakt leyfi til að fljúga um lofthelgi ríkja í friðsamlegum tilgangi. Á íslenskum flugvöllum sæta borgaralegar flugvélar venjubundinni afgreiðslu og eftir atvikum tollskoðun eða landamæraeftirliti.
Um flugvélar á vegum erlendra stjórnvalda á almennt við sú regla að sækja ber um yfirflugs- og lendingarleyfi. Reyndar er það svo að í umsóknum um yfirflugsheimildir og lendingarleyfi ber einungis að greina frá hergögnum og hættulegum varningi um borð, en ekki er skylt að greina frá hverjir eru um borð.
Það er ekki brot á alþjóðareglum að flytja fanga og slíkur flutningur á sér áreiðanlega mjög oft stað af hálfu erlendra aðila í lofthelgi Íslands sem og annarra ríkja. Öðru máli gilti ef flugvélar færu um íslenska lofthelgi eða flugvelli með fanga til pyndinga eða annarrar ómannúðlegrar meðferðar sem bönnuð er í alþjóðasamningum. Íslenskum stjórnvöldum er ekki kunnugt um að það hafi gerst.
2. Munu íslensk stjórnvöld meina flugvélum með fanga eða meinta hryðjuverkamenn sem sætt hafa eða eiga á hættu að sæta pyntingum eða annarri ómannúðlegri meðferð aðgang að íslenskri lofthelgi og afnot af íslenskum flugvöllum?
Íslensk stjórnvöld mundu meina flugvélum af því tagi sem um ræðir í fyrirspurninni aðgang að íslenskri lofthelgi og afnot af íslenskum flugvöllum. Það kom skýrt fram af hálfu utanríkisráðherra á Alþingi 16. nóvember síðastliðinn. Vísað var til þess að íslensk stjórnvöld legðu áherslu á að öll ríki færu eftir gildandi mannúðar- og mannréttindalögum.
3. Hvernig hyggjast íslensk stjórnvöld bregðast við því ef flug á vegum opinberra aðila sem dulbúið er sem borgaralegt flug hefur farið, eða mun fara um íslenska lofthelgi eða nota íslenska flugvelli?
Hér er um skilyrta spurningu að ræða og því einu til að svara á þessu stigi að íslensk stjórnvöld munu að sjálfsögðu bregðast hart við öllum brotum á alþjóðalögum í íslenskri lögsögu.
4. Hafa íslensk stjórnvöld tilkynnt eða munu þau tilkynna bandarískum stjórnvöldum um afstöðu sína í þessu efni með formlegri orðsendingu?
Bandarískum stjórnvöldum hefur verið kynnt afstaða íslenskra stjórnvalda og þau ítrekað verið krafin um svör líkt og kom fram í svari við fyrirspurn á Alþingi 16. nóvember síðastliðinn. Viðbrögð íslenskra stjórnvalda eru sambærileg við viðbrögð annarra ríkja.
132. löggjafarþing 2005–2006.
Þskj. 506 — 334. mál.
Svar
utanríkisráðherra við fyrirspurn Steingríms J. Sigfússonar um fangaflug bandarísku leyniþjónustunnar.
1. Er ráðuneytinu kunnugt um að flugvélar á vegum bandarísku leyniþjónustunnar með fanga eða meinta hryðjuverkamenn, sem hvorki njóta verndar né meðhöndlunar samkvæmt alþjóðasáttmálum, hafi farið um íslenska lofthelgi eða notað Keflavíkur- eða Reykjavíkurflugvöll? Ef svo er, hver voru viðkomandi flugnúmer (N-númer), hvaðan var flogið og hvert og hvaða upplýsingar voru veittar um farm og á hvers vegum flugið væri?
Líkt og fram hefur komið, þar á meðal í svari við fyrirspurn á Alþingi 16. nóvember síðastliðinn, er utanríkisráðuneytinu ekki kunnugt um flug um íslenska lofthelgi eða Keflavíkurflugvöll af því tagi sem talað er um í fyrirspurninni. Bandarísk stjórnvöld hafa ekki sótt um yfirflugs- eða lendingarleyfi fyrir slíkar flugvélar.
Um borgaralega flugumferð gildir sú regla víðast hvar samkvæmt alþjóðasamningum að ekki þarf sérstakt leyfi til að fljúga um lofthelgi ríkja í friðsamlegum tilgangi. Á íslenskum flugvöllum sæta borgaralegar flugvélar venjubundinni afgreiðslu og eftir atvikum tollskoðun eða landamæraeftirliti.
Um flugvélar á vegum erlendra stjórnvalda á almennt við sú regla að sækja ber um yfirflugs- og lendingarleyfi. Reyndar er það svo að í umsóknum um yfirflugsheimildir og lendingarleyfi ber einungis að greina frá hergögnum og hættulegum varningi um borð, en ekki er skylt að greina frá hverjir eru um borð.
Það er ekki brot á alþjóðareglum að flytja fanga og slíkur flutningur á sér áreiðanlega mjög oft stað af hálfu erlendra aðila í lofthelgi Íslands sem og annarra ríkja. Öðru máli gilti ef flugvélar færu um íslenska lofthelgi eða flugvelli með fanga til pyndinga eða annarrar ómannúðlegrar meðferðar sem bönnuð er í alþjóðasamningum. Íslenskum stjórnvöldum er ekki kunnugt um að það hafi gerst.
2. Munu íslensk stjórnvöld meina flugvélum með fanga eða meinta hryðjuverkamenn sem sætt hafa eða eiga á hættu að sæta pyntingum eða annarri ómannúðlegri meðferð aðgang að íslenskri lofthelgi og afnot af íslenskum flugvöllum?
Íslensk stjórnvöld mundu meina flugvélum af því tagi sem um ræðir í fyrirspurninni aðgang að íslenskri lofthelgi og afnot af íslenskum flugvöllum. Það kom skýrt fram af hálfu utanríkisráðherra á Alþingi 16. nóvember síðastliðinn. Vísað var til þess að íslensk stjórnvöld legðu áherslu á að öll ríki færu eftir gildandi mannúðar- og mannréttindalögum.
3. Hvernig hyggjast íslensk stjórnvöld bregðast við því ef flug á vegum opinberra aðila sem dulbúið er sem borgaralegt flug hefur farið, eða mun fara um íslenska lofthelgi eða nota íslenska flugvelli?
Hér er um skilyrta spurningu að ræða og því einu til að svara á þessu stigi að íslensk stjórnvöld munu að sjálfsögðu bregðast hart við öllum brotum á alþjóðalögum í íslenskri lögsögu.
4. Hafa íslensk stjórnvöld tilkynnt eða munu þau tilkynna bandarískum stjórnvöldum um afstöðu sína í þessu efni með formlegri orðsendingu?
Bandarískum stjórnvöldum hefur verið kynnt afstaða íslenskra stjórnvalda og þau ítrekað verið krafin um svör líkt og kom fram í svari við fyrirspurn á Alþingi 16. nóvember síðastliðinn. Viðbrögð íslenskra stjórnvalda eru sambærileg við viðbrögð annarra ríkja.
