Aðrar útgáfur af skjalinu: PDF - Word Perfect. Ferill 616. máls.
135. löggjafarþing 2007–2008.
Þskj. 982 — 616. mál.
til fjármálaráðherra um kostnað við Kárahnjúkavirkjun.
1. Hver er heildarkostnaður við flutningsmannvirki Kárahnjúkavirkjunar frá stöðvarhússvegg að álveri Fjarðaáls í Reyðarfirði?
2. Hversu mikið er tap Landsvirkjunar og hvert er áætlað tap Alcoa Fjarðaáls vegna tafa sem urðu á gangsetningu Kárahnjúkavirkjunar? Óskað er upplýsinga um mismun á áætlaðri og raunverulegri/raunáætlaðri orkusölu Landsvirkjunar á árunum 2007 og 2008.
3. Hefur verið samið um skaðabætur við Alcoa vegna þessara tafa?
4. Hver var kostnaður Landsvirkjunar við raforkuöflun/raforkukaup, sem og við flutning raforku til Reyðarfjarðar þann tíma sem gangsetning Kárahnjúkavirkjunar tafðist? Var framkvæmdum við aðrar línulagnir eða virkjanir flýtt vegna tafanna?
5. Hvaða kröfur hafa komið fram og hverjar hafa verið boðaðar frá Impregilo og öðrum verktökum og hver er fjárhæð hverrar um sig? Hefur verið samið um kröfurnar og ef svo er, hve stóran hlut hefur Landsvirkjun þurft að bera vegna hverrar kröfu fyrir sig?
6. Hver var munurinn á tilboði Impregilo sem samið var um og endanlegum greiðslum vegna tveggja stærstu verksamninganna, þ.e. byggingar Kárahnjúkastíflu og gangagerðar með heilborun, að teknu tilliti til krafna verktaka, uppgjörs á þeim, viðbótarverka vegna endurhönnunar og tafa?
7. Hversu hárri fjárhæð nema skattakröfur Impregilo á hendur ríkinu? Hefur verið samið um greiðslu í samræmi við dóm Hæstaréttar þar um? Hver er áfallinn kostnaður ríkissjóðs vegna tafa á uppgjöri skattskuldarinnar við Impregilo?
8. Hvernig hafa áhrif verðlagsbreytinga verið reiknuð? Óskað er samantektar þar sem fram kemur við hvaða vísitölur er stuðst í útreikningi á áhrifum verðlagsbreytinga.
9. Hver var áfallinn fjármagnskostnaður vegna byggingar Kárahnjúkavirkjunar og flutningskerfisins miðað við 6. mars 2008?
10. Hvernig dreifist áfallinn og áætlaður kostnaður á mánuði frá upphafi til loka framkvæmda miðað við gjalddaga reikninga annars vegar og miðað við framvindu verksins hins vegar?
Skriflegt svar óskast.
Hinn 16. október 2007 var samþykkt á Alþingi skýrslubeiðni frá þingflokki Vinstri hreyfingarinnar – græns framboðs um kostnað við Kárahnjúkavirkjun. Skýrslu iðnaðarráðherra var dreift á Alþingi 6. mars 2008. Í skýrslunni er ekki að finna svör við ýmsum þeim spurningum sem komu fram í beiðninni og hafa talsmenn Landsvirkjunar vísað til þess að ráðuneytið hafi ekki beint spurningum um tiltekin atriði til fyrirtækisins. Skýrsla iðnaðarráðherra á þingskjali 751 gefur því ekki rétta mynd af heildarkostnaði við byggingu Kárahnjúkavirkjunar.
Í skýrslubeiðninni var m.a. spurt um áætlaðan heildarkostnað við framkvæmdina. Til viðmiðunar skyldu verksamningar og aðrir kostnaðarþættir framreiknaðir til sama verðlags. Þá var beðið um upplýsingar um stór frávik frá verksamningum og um uppgjörssamninga við verktaka í kjölfar krafna. Þessar upplýsingar er ekki að finna í skýrslunni og heldur ekki upplýsingar um kostnað annarra en Landsvirkjunar. Því er hér óskað svara við nokkrum spurningum sem ekki var svarað í skýrslunni og skýringa á öðrum atriðum, m.a. um það hvernig staðið var að útreikningi á fjármagnskostnaði og viðmiðunartölum, þ.m.t. vísitölum, í skýrslu ráðherra.
Framangreint er nauðsynlegt til að sem skýrust mynd fáist af heildarkostnaði við Kárahnjúkavirkjun.
135. löggjafarþing 2007–2008.
Þskj. 982 — 616. mál.
Fyrirspurn
til fjármálaráðherra um kostnað við Kárahnjúkavirkjun.
Frá Álfheiði Ingadóttur, Árna Þór Sigurðssyni og Kolbrúnu Halldórsdóttur.
1. Hver er heildarkostnaður við flutningsmannvirki Kárahnjúkavirkjunar frá stöðvarhússvegg að álveri Fjarðaáls í Reyðarfirði?
2. Hversu mikið er tap Landsvirkjunar og hvert er áætlað tap Alcoa Fjarðaáls vegna tafa sem urðu á gangsetningu Kárahnjúkavirkjunar? Óskað er upplýsinga um mismun á áætlaðri og raunverulegri/raunáætlaðri orkusölu Landsvirkjunar á árunum 2007 og 2008.
3. Hefur verið samið um skaðabætur við Alcoa vegna þessara tafa?
4. Hver var kostnaður Landsvirkjunar við raforkuöflun/raforkukaup, sem og við flutning raforku til Reyðarfjarðar þann tíma sem gangsetning Kárahnjúkavirkjunar tafðist? Var framkvæmdum við aðrar línulagnir eða virkjanir flýtt vegna tafanna?
5. Hvaða kröfur hafa komið fram og hverjar hafa verið boðaðar frá Impregilo og öðrum verktökum og hver er fjárhæð hverrar um sig? Hefur verið samið um kröfurnar og ef svo er, hve stóran hlut hefur Landsvirkjun þurft að bera vegna hverrar kröfu fyrir sig?
6. Hver var munurinn á tilboði Impregilo sem samið var um og endanlegum greiðslum vegna tveggja stærstu verksamninganna, þ.e. byggingar Kárahnjúkastíflu og gangagerðar með heilborun, að teknu tilliti til krafna verktaka, uppgjörs á þeim, viðbótarverka vegna endurhönnunar og tafa?
7. Hversu hárri fjárhæð nema skattakröfur Impregilo á hendur ríkinu? Hefur verið samið um greiðslu í samræmi við dóm Hæstaréttar þar um? Hver er áfallinn kostnaður ríkissjóðs vegna tafa á uppgjöri skattskuldarinnar við Impregilo?
8. Hvernig hafa áhrif verðlagsbreytinga verið reiknuð? Óskað er samantektar þar sem fram kemur við hvaða vísitölur er stuðst í útreikningi á áhrifum verðlagsbreytinga.
9. Hver var áfallinn fjármagnskostnaður vegna byggingar Kárahnjúkavirkjunar og flutningskerfisins miðað við 6. mars 2008?
10. Hvernig dreifist áfallinn og áætlaður kostnaður á mánuði frá upphafi til loka framkvæmda miðað við gjalddaga reikninga annars vegar og miðað við framvindu verksins hins vegar?
Skriflegt svar óskast.
Greinargerð.
Hinn 16. október 2007 var samþykkt á Alþingi skýrslubeiðni frá þingflokki Vinstri hreyfingarinnar – græns framboðs um kostnað við Kárahnjúkavirkjun. Skýrslu iðnaðarráðherra var dreift á Alþingi 6. mars 2008. Í skýrslunni er ekki að finna svör við ýmsum þeim spurningum sem komu fram í beiðninni og hafa talsmenn Landsvirkjunar vísað til þess að ráðuneytið hafi ekki beint spurningum um tiltekin atriði til fyrirtækisins. Skýrsla iðnaðarráðherra á þingskjali 751 gefur því ekki rétta mynd af heildarkostnaði við byggingu Kárahnjúkavirkjunar.
Í skýrslubeiðninni var m.a. spurt um áætlaðan heildarkostnað við framkvæmdina. Til viðmiðunar skyldu verksamningar og aðrir kostnaðarþættir framreiknaðir til sama verðlags. Þá var beðið um upplýsingar um stór frávik frá verksamningum og um uppgjörssamninga við verktaka í kjölfar krafna. Þessar upplýsingar er ekki að finna í skýrslunni og heldur ekki upplýsingar um kostnað annarra en Landsvirkjunar. Því er hér óskað svara við nokkrum spurningum sem ekki var svarað í skýrslunni og skýringa á öðrum atriðum, m.a. um það hvernig staðið var að útreikningi á fjármagnskostnaði og viðmiðunartölum, þ.m.t. vísitölum, í skýrslu ráðherra.
Framangreint er nauðsynlegt til að sem skýrust mynd fáist af heildarkostnaði við Kárahnjúkavirkjun.
