Aðrar útgáfur af skjalinu: PDF - Word Perfect. Ferill 700. máls.
138. löggjafarþing 2009–2010.
Þskj. 1528 — 700. mál.
fjármálaráðherra við fyrirspurn Sigríðar Ingibjargar Ingadóttur um lífeyrisskuldbindingar ríkis og sveitarfélaga.
1. Hverjar eru áfallnar lífeyrisskuldbindingar og framtíðarlífeyrisskuldbindingar í lífeyrissjóðum opinberra starfsmanna með ábyrgð ríkissjóðs, sveitarfélaga og fyrirtækja í eigu hins opinbera?
Áfallnar skuldbindingar B-deildar Lífeyrissjóðs starfsmanna ríkisins (LSR) og Lífeyrissjóðs hjúkrunarfræðinga (LH) eru sundurliðaðar eftir launagreiðendum, út frá því er áætluð hlutdeild ríkisins í áföllnum skuldbindingum. Sambærileg sundurliðun eftir launagreiðendum liggur ekki fyrir vegna framtíðarskuldbindinga en miðað er við sama hlutfall og í áföllnum skuldbindingum.
Ekki tókst, innan þess tímafrests sem veittur er til svars, að afla umbeðinna upplýsinga frá sveitarfélögunum og fyrirtækjum þeirra.
Áfallin lífeyrisskuldbinding B-deildar LSR var 506,8 milljarðar kr. í árslok 2009. Núvirtar eignir sjóðsins voru metnar 190,7 milljarðar kr. þannig að skuldbinding umfram eignir var 316,0 milljarðar kr. í lok ársins. Þessi hluti skuldbindingarinnar kemur til með að verða fjármagnaður með tvennum hætti. Annars vegar með endurgreiðslu frá launagreiðendum fyrir þeirra hlut í lífeyrisgreiðslum sjóðsins (lífeyrishækkanir) og hins vegar með greiðslum frá ríkissjóði vegna bakábyrgðar. Af áfallinni skuldbindingu umfram eignir er hlutdeild ríkissjóðs metin 290,1 milljarður kr. eða 92%.
Áfallin lífeyrisskuldbinding Lífeyrissjóðs hjúkrunarfræðinga var 59,5 milljarðar kr. í árslok 2009. Núvirtar eignir sjóðsins voru metnar 21,4 milljarðar kr. þannig að skuldbinding umfram eignir var 38,0 milljarðar kr. í lok ársins. Þessi hluti skuldbindingarinnar kemur til með að verða fjármagnaður með tvennum hætti. Annars vegar með endurgreiðslu frá launagreiðendum fyrir þeirra hlut í lífeyrisgreiðslum sjóðsins (lífeyrishækkanir) og hins vegar með greiðslum frá ríkissjóði og öðrum launagreiðendum vegna bakábyrgðar. Af áfallinni skuldbindingu umfram eignir er hlutdeild ríkissjóðs metin 37,1 milljarður kr. eða 98%.
Framtíðarskuldbinding B-deildar LSR var metin 57,2 milljarðar kr. miðað við árslok 2009 og 6,2 milljarðar kr. hjá LH. Hlutdeild ríkissjóðs í framtíðarskuldbindingunni er metin 30,0 milljarðar kr. hjá B-deild LSR og 4,2 milljarðar kr. hjá LH.
Áætlað er að hlutdeild ríkissjóðs í skuldbindingum B-deildar LSR og LH umfram eignir sjóðanna sé samtals 361,4 milljarðar kr. vegna heildarskuldbindinga. Þar ef eru 245,8 milljarðar kr. vegna hlutdeildar ríkissjóðs í greiðslu lífeyrishækkana og 115,6 miljarðar kr. vegna bakábyrgðar.
2. Á hvaða árabili koma þessar skuldbindingar til greiðslu miðað við áætlaðar meðallífslíkur þeirra sjóðfélaga sem eiga umrædd lífeyrisréttindi?
Talnakönnun hf. hefur í tengslum við tryggingafræðilega athugun reiknað út framtíðarsjóðsstreymi fyrir B-deild LSR og LH, sem miðast bæði við áfallin réttindi og áunnin réttindi í framtíðinni. Hlutur ríkissjóðs í lífeyrishækkunum er áætlaður sá sami og hlutfall af áföllnum skuldbindingum. Bakábyrgð ríkissjóðs kemur til greiðslu þegar sjóðirnir tæmast og hallinn á sjóðunum því fjármagnaður af ríkissjóði frá þeim tímapunkti.
Eftirstæðar eignir B-deildar LSR og LH eru að stærstum hluta til komnar vegna aukagreiðslna frá ríkissjóði. Miðað við úttekt á stöðu sjóðanna í árslok 2009 var niðurstaðan sú að með aukagreiðslum frá ríkissjóði hafði tekist að fresta því til ársins 2022 að óuppgerður hluti B-deildar LSR kæmist í þrot og LH til ársins 2028.
Ríkissjóður greiðir mánaðarlega til sjóðanna lífeyrishækkanir en við það að sjóðirnir tæmast eykst greiðslubyrði ríkissjóðs verulega vegna bakábyrgðar hans.
Greiðslur ríkissjóðs vegna lífeyrishækkana munu nema 6–10 milljörðum kr. í framtíðinni en þegar bakábyrgðin fellur á ríkissjóð árið 2022 munu greiðslurnar nema samtals 25 milljörðum kr. og vera á bilinu 25–30 milljarðar kr. fram til ársins 2035. Eftir það fara greiðslurnar lækkandi.
3. Telur ráðherra raunhæft að áætla að ríkissjóður og sveitarfélög muni að óbreyttu geta staðið undir umræddum skuldbindingum?
Líkt og fram kemur í svari við 2. tölul. hafa flýtigreiðslur ríkissjóðs undanfarin ár tryggt getu B-deildar LSR og LH til að standa undir skuldbindingum sínum, fram til áranna 2022 hjá LSR og 2028 hjá LH. Áætlanir í ríkisfjármálum gera ráð fyrir batnandi stöðu ríkissjóðs á næstu árum og er mikilvægt að með bættri afkomu verði haldið áfram að greiða inn á skuldbindingu ríkissjóðs hjá lífeyrissjóðunum til að jafna greiðslubyrði ríkissjóðs.
Jafnframt verður uppgjörum á lífeyrisskuldbindingum vegna verkefna sem voru í samrekstri ríkissjóðs og sveitarfélaga fram til ársins 1990 hraðað, þannig að endanleg hlutdeild hvors aðila í skuldbindingum verði ljós.
4. Hefur verið gerð áætlun um það í fjármálaráðuneytinu með hvaða hætti þessar skuldbindingar verða greiddar? Ef svo er, í hverju felst sú áætlun?
Á grundvelli árlegra úttekta á tryggingafræðilegri stöðu lífeyrissjóðanna hefur ríkissjóður grundvallað greiðslur sínar til sjóðanna með það að markmiði að jafna greiðslubyrði sína eins og kostur er yfir þann tíma sem skuldbindingarnar falla til.
138. löggjafarþing 2009–2010.
Þskj. 1528 — 700. mál.
Svar
fjármálaráðherra við fyrirspurn Sigríðar Ingibjargar Ingadóttur um lífeyrisskuldbindingar ríkis og sveitarfélaga.
1. Hverjar eru áfallnar lífeyrisskuldbindingar og framtíðarlífeyrisskuldbindingar í lífeyrissjóðum opinberra starfsmanna með ábyrgð ríkissjóðs, sveitarfélaga og fyrirtækja í eigu hins opinbera?
Áfallnar skuldbindingar B-deildar Lífeyrissjóðs starfsmanna ríkisins (LSR) og Lífeyrissjóðs hjúkrunarfræðinga (LH) eru sundurliðaðar eftir launagreiðendum, út frá því er áætluð hlutdeild ríkisins í áföllnum skuldbindingum. Sambærileg sundurliðun eftir launagreiðendum liggur ekki fyrir vegna framtíðarskuldbindinga en miðað er við sama hlutfall og í áföllnum skuldbindingum.
Ekki tókst, innan þess tímafrests sem veittur er til svars, að afla umbeðinna upplýsinga frá sveitarfélögunum og fyrirtækjum þeirra.
Áfallin lífeyrisskuldbinding B-deildar LSR var 506,8 milljarðar kr. í árslok 2009. Núvirtar eignir sjóðsins voru metnar 190,7 milljarðar kr. þannig að skuldbinding umfram eignir var 316,0 milljarðar kr. í lok ársins. Þessi hluti skuldbindingarinnar kemur til með að verða fjármagnaður með tvennum hætti. Annars vegar með endurgreiðslu frá launagreiðendum fyrir þeirra hlut í lífeyrisgreiðslum sjóðsins (lífeyrishækkanir) og hins vegar með greiðslum frá ríkissjóði vegna bakábyrgðar. Af áfallinni skuldbindingu umfram eignir er hlutdeild ríkissjóðs metin 290,1 milljarður kr. eða 92%.
Hér er efni sem sést aðeins í pdf-skjalinu.
Áfallin lífeyrisskuldbinding Lífeyrissjóðs hjúkrunarfræðinga var 59,5 milljarðar kr. í árslok 2009. Núvirtar eignir sjóðsins voru metnar 21,4 milljarðar kr. þannig að skuldbinding umfram eignir var 38,0 milljarðar kr. í lok ársins. Þessi hluti skuldbindingarinnar kemur til með að verða fjármagnaður með tvennum hætti. Annars vegar með endurgreiðslu frá launagreiðendum fyrir þeirra hlut í lífeyrisgreiðslum sjóðsins (lífeyrishækkanir) og hins vegar með greiðslum frá ríkissjóði og öðrum launagreiðendum vegna bakábyrgðar. Af áfallinni skuldbindingu umfram eignir er hlutdeild ríkissjóðs metin 37,1 milljarður kr. eða 98%.
Framtíðarskuldbinding B-deildar LSR var metin 57,2 milljarðar kr. miðað við árslok 2009 og 6,2 milljarðar kr. hjá LH. Hlutdeild ríkissjóðs í framtíðarskuldbindingunni er metin 30,0 milljarðar kr. hjá B-deild LSR og 4,2 milljarðar kr. hjá LH.
Hér er efni sem sést aðeins í pdf-skjalinu.
Hér er efni sem sést aðeins í pdf-skjalinu.
Áætlað er að hlutdeild ríkissjóðs í skuldbindingum B-deildar LSR og LH umfram eignir sjóðanna sé samtals 361,4 milljarðar kr. vegna heildarskuldbindinga. Þar ef eru 245,8 milljarðar kr. vegna hlutdeildar ríkissjóðs í greiðslu lífeyrishækkana og 115,6 miljarðar kr. vegna bakábyrgðar.
2. Á hvaða árabili koma þessar skuldbindingar til greiðslu miðað við áætlaðar meðallífslíkur þeirra sjóðfélaga sem eiga umrædd lífeyrisréttindi?
Talnakönnun hf. hefur í tengslum við tryggingafræðilega athugun reiknað út framtíðarsjóðsstreymi fyrir B-deild LSR og LH, sem miðast bæði við áfallin réttindi og áunnin réttindi í framtíðinni. Hlutur ríkissjóðs í lífeyrishækkunum er áætlaður sá sami og hlutfall af áföllnum skuldbindingum. Bakábyrgð ríkissjóðs kemur til greiðslu þegar sjóðirnir tæmast og hallinn á sjóðunum því fjármagnaður af ríkissjóði frá þeim tímapunkti.
Eftirstæðar eignir B-deildar LSR og LH eru að stærstum hluta til komnar vegna aukagreiðslna frá ríkissjóði. Miðað við úttekt á stöðu sjóðanna í árslok 2009 var niðurstaðan sú að með aukagreiðslum frá ríkissjóði hafði tekist að fresta því til ársins 2022 að óuppgerður hluti B-deildar LSR kæmist í þrot og LH til ársins 2028.
Ríkissjóður greiðir mánaðarlega til sjóðanna lífeyrishækkanir en við það að sjóðirnir tæmast eykst greiðslubyrði ríkissjóðs verulega vegna bakábyrgðar hans.
Hér er efni sem sést aðeins í pdf-skjalinu.
Greiðslur ríkissjóðs vegna lífeyrishækkana munu nema 6–10 milljörðum kr. í framtíðinni en þegar bakábyrgðin fellur á ríkissjóð árið 2022 munu greiðslurnar nema samtals 25 milljörðum kr. og vera á bilinu 25–30 milljarðar kr. fram til ársins 2035. Eftir það fara greiðslurnar lækkandi.
3. Telur ráðherra raunhæft að áætla að ríkissjóður og sveitarfélög muni að óbreyttu geta staðið undir umræddum skuldbindingum?
Líkt og fram kemur í svari við 2. tölul. hafa flýtigreiðslur ríkissjóðs undanfarin ár tryggt getu B-deildar LSR og LH til að standa undir skuldbindingum sínum, fram til áranna 2022 hjá LSR og 2028 hjá LH. Áætlanir í ríkisfjármálum gera ráð fyrir batnandi stöðu ríkissjóðs á næstu árum og er mikilvægt að með bættri afkomu verði haldið áfram að greiða inn á skuldbindingu ríkissjóðs hjá lífeyrissjóðunum til að jafna greiðslubyrði ríkissjóðs.
Jafnframt verður uppgjörum á lífeyrisskuldbindingum vegna verkefna sem voru í samrekstri ríkissjóðs og sveitarfélaga fram til ársins 1990 hraðað, þannig að endanleg hlutdeild hvors aðila í skuldbindingum verði ljós.
4. Hefur verið gerð áætlun um það í fjármálaráðuneytinu með hvaða hætti þessar skuldbindingar verða greiddar? Ef svo er, í hverju felst sú áætlun?
Á grundvelli árlegra úttekta á tryggingafræðilegri stöðu lífeyrissjóðanna hefur ríkissjóður grundvallað greiðslur sínar til sjóðanna með það að markmiði að jafna greiðslubyrði sína eins og kostur er yfir þann tíma sem skuldbindingarnar falla til.
