Aðrar útgáfur af skjalinu: PDF - Word Perfect. Ferill 671. máls.
139. löggjafarþing 2010–2011.
Þskj. 1735 — 671. mál.
velferðarráðherra við fyrirspurn Vigdísar Hauksdóttur um starfsendurhæfingarstöðvar.
1. Hve margar starfsendurhæfingarstöðvar falla undir verksvið ráðuneytisins og á hvaða sviðum starfa þær?
Frá árinu 2008 hefur fyrirkomulagið verið með þeim hætti að stjórnvöld hafa gert samninga við fyrirtæki sem hafa boðið upp á starfsendurhæfingu og eru þau talin upp í töflu 1. Var meðal annars auglýst eftir umsóknum um styrki til atvinnutengdrar endurhæfingar í apríl 2008. Samningarnir fjalla um að veita tilteknum fjölda fólks atvinnutengda endurhæfingu og hafa það að markmiði að styðja þá sem vegna heilsubrests hafa hætt þátttöku á vinnumarkaði eða eru öryrkjar til að verða aftur virkir á vinnumarkaði eða hefja nám. Meðal annars er metið hvort tiltekið úrræði henti aðstæðum viðkomandi einstaklings óháð því hver sé ástæða heilsubrestsins eða skertrar vinnufærni.
2. Hver hafa heildarframlög ríkisins til þessara stöðva verið sl. fimm ár, sundurliðað eftir árum og einstökum endurhæfingarstöðvum?
Heildarframlög ríkisins til starfsendurhæfingarstöðva síðastliðin fimm ár koma fram í töflu 1, sundurliðað eftir árum og einstökum endurhæfingarstöðvum. Tölur fyrir árið 2010 eru byggðar á bráðabirgðauppgjöri.
3.
Þegar framlög til endurhæfingarstöðva eru ákveðin er þá farið eftir:
a. fjölda einstaklinga sem nýta sér endurhæfinguna hverju sinni, eða
b. umfangi og stærð þeirrar þjónustu sem boðið er upp á?
Við gerð samninga við starfsendurhæfingarstöðvar er bæði litið til þess hver þörfin er fyrir þá endurhæfingu sem í boði er á viðkomandi svæði sem og umfangs þeirrar þjónustu sem hlutaðeigandi starfsendurhæfingarstöð veitir.
4. Er munur á framlögum ríkisins til endurhæfingarstöðva eftir málaflokkum og ef svo er, hver er ástæða þess?
Árið 2008 tók til starfa sérstakt samningateymi á vegum forsætisráðuneytis, félags- og tryggingamálaráðuneytis, heilbrigðisráðuneytis og menntamálaráðuneytis sem annaðist gerð samninga við starfsendurhæfingarstöðvar um atvinnutengda endurhæfingu. Árið 2010 tók félags- og tryggingamálaráðuneytið við gerð þessara samninga. Enginn munur er á framlagi ríkisins til endurhæfingarstöðva eftir málaflokkum heldur fer það eftir umfangi þeirrar þjónustu sem keypt er.
5. Hversu margir þjónustusamningar eru í gildi við endurhæfingarstöðvar? Um hvaða stöðvar er að ræða, hve mikið er greitt í hverju tilviki fyrir þjónustu við hvern einstakling og hvaða ár voru þjónustusamningarnir gerðir?
Samtals voru 17 þjónustusamningar í gildi vegna atvinnutengdrar endurhæfingar á fyrri hluta árs 2011. Í töflu 2 má sjá um hvaða stöðvar er að ræða og hve mikið er greitt í hverju tilviki fyrir þjónustu við hvern einstakling og hvaða ár þjónustusamningar voru gerðir. Ljóst er að munur er á hversu hátt verð er greitt fyrir þjónustu við einstaklinga eftir einstökum samningum en sá munur skýrist af umfangi þeirrar þjónustu sem keypt er hverju sinni.
6. Hvernig er eftirliti háttað með starfsemi endurhæfingarstöðva sem fá greiðslur frá ríkinu og hver annast eftirlitið?
Það hefur ekki verið viðhaft markvisst eftirlit með framkvæmd samninga sem stjórnvöld hafa gert við starfsendurhæfingarstöðvar um atvinnutengda endurhæfingu en samstarf hefur verið milli aðila um þróun atvinnutengdrar endurhæfingar. Velferðarráðuneytið stefnir að því að gildandi samningar verði teknir út á tímabilinu ágúst til október 2011 en þegar hefur úttektaraðili ásamt embætti landlæknis tekið út einn samning að beiðni ráðuneytisins.
139. löggjafarþing 2010–2011.
Þskj. 1735 — 671. mál.
Svar
velferðarráðherra við fyrirspurn Vigdísar Hauksdóttur um starfsendurhæfingarstöðvar.
1. Hve margar starfsendurhæfingarstöðvar falla undir verksvið ráðuneytisins og á hvaða sviðum starfa þær?
Frá árinu 2008 hefur fyrirkomulagið verið með þeim hætti að stjórnvöld hafa gert samninga við fyrirtæki sem hafa boðið upp á starfsendurhæfingu og eru þau talin upp í töflu 1. Var meðal annars auglýst eftir umsóknum um styrki til atvinnutengdrar endurhæfingar í apríl 2008. Samningarnir fjalla um að veita tilteknum fjölda fólks atvinnutengda endurhæfingu og hafa það að markmiði að styðja þá sem vegna heilsubrests hafa hætt þátttöku á vinnumarkaði eða eru öryrkjar til að verða aftur virkir á vinnumarkaði eða hefja nám. Meðal annars er metið hvort tiltekið úrræði henti aðstæðum viðkomandi einstaklings óháð því hver sé ástæða heilsubrestsins eða skertrar vinnufærni.
2. Hver hafa heildarframlög ríkisins til þessara stöðva verið sl. fimm ár, sundurliðað eftir árum og einstökum endurhæfingarstöðvum?
Heildarframlög ríkisins til starfsendurhæfingarstöðva síðastliðin fimm ár koma fram í töflu 1, sundurliðað eftir árum og einstökum endurhæfingarstöðvum. Tölur fyrir árið 2010 eru byggðar á bráðabirgðauppgjöri.
Tafla 1. Framlög ríkisins til starfsendurhæfingarstöðva 2006–2010.
| 2010 | 2009 | 2008 | 2007 | 2006 | |
| AE starfsendurhæfing | 30.929.602 | 11.173.843 | 650.056 | ||
| Starfsendurhæfing Suðurnesja – Samv. | 34.400.000 | 34.400.000 | 5.160.000 | ||
| Starfsendurhæfing Austurlands | 26.712.000 | 27.262.000 | 10.062.000 | ||
| Starfsendurhæfing Hafnarfjarðar | 34.400.000 | 30.272.000 | 5.676.000 | ||
| Starfsendurhæfing Skagafjarðar | 9.030.000 | 12.126.000 | 2.924.000 | ||
| Starfsendurhæfing Vestfjarða | 16.082.000 | 9.030.000 | |||
| Styrktarfélag klúbbsins Geysis | 2.727.000 | 2.727.000 | 1.276.500 | ||
| Starfsendurhæfing Suðurlands – Birta | 12.728.000 | ||||
| Starfsendurhæfing Vestmannaeyja | 2.580.000 | ||||
| Janus endurhæfing ehf. | 104.969.245 | 61.446.893 | 48.733.705 | 34.715.716 | 30.084.333 |
| Starfsþjálfun fatlaðra – Hringsjá | 75.284.000 | 67.727.000 | 42.513.919 | 18.364.865 | 17.604.235 |
| Endurhæfingarmatsteymi | 5.795.729 | 7.142.996 | 8.408.961 | 8.767.433 | 4.711.262 |
| Starfsendurhæfing Norðurlands | 42.490.000 | 41.630.000 | 24.766.125 | 10.199.448 | 10.035.860 |
| Ljósið, endurhæfing og stuðningsmiðstöð | 12.100.000 | 20.400.000 | 6.295.551 | 6.000.000 | 3.590.911 |
| Ekron – starfsþjálfun | 28.896.000 | 41.328.496 | 34.916.000 | ||
| Reykjalundur, atvinnutengd endurhæfing* | 30.700.000 | 30.700.000 | 30.700.000 | 30.700.000 | 30.700.000 |
| 469.823.576 | 397.366.228 | 222.082.817 | 108.747.462 | 96.726.601 | |
| * Hluti þjónustusamnings velferðarráðuneytis við Reykjalund. | |||||
a. fjölda einstaklinga sem nýta sér endurhæfinguna hverju sinni, eða
b. umfangi og stærð þeirrar þjónustu sem boðið er upp á?
Við gerð samninga við starfsendurhæfingarstöðvar er bæði litið til þess hver þörfin er fyrir þá endurhæfingu sem í boði er á viðkomandi svæði sem og umfangs þeirrar þjónustu sem hlutaðeigandi starfsendurhæfingarstöð veitir.
4. Er munur á framlögum ríkisins til endurhæfingarstöðva eftir málaflokkum og ef svo er, hver er ástæða þess?
Árið 2008 tók til starfa sérstakt samningateymi á vegum forsætisráðuneytis, félags- og tryggingamálaráðuneytis, heilbrigðisráðuneytis og menntamálaráðuneytis sem annaðist gerð samninga við starfsendurhæfingarstöðvar um atvinnutengda endurhæfingu. Árið 2010 tók félags- og tryggingamálaráðuneytið við gerð þessara samninga. Enginn munur er á framlagi ríkisins til endurhæfingarstöðva eftir málaflokkum heldur fer það eftir umfangi þeirrar þjónustu sem keypt er.
5. Hversu margir þjónustusamningar eru í gildi við endurhæfingarstöðvar? Um hvaða stöðvar er að ræða, hve mikið er greitt í hverju tilviki fyrir þjónustu við hvern einstakling og hvaða ár voru þjónustusamningarnir gerðir?
Samtals voru 17 þjónustusamningar í gildi vegna atvinnutengdrar endurhæfingar á fyrri hluta árs 2011. Í töflu 2 má sjá um hvaða stöðvar er að ræða og hve mikið er greitt í hverju tilviki fyrir þjónustu við hvern einstakling og hvaða ár þjónustusamningar voru gerðir. Ljóst er að munur er á hversu hátt verð er greitt fyrir þjónustu við einstaklinga eftir einstökum samningum en sá munur skýrist af umfangi þeirrar þjónustu sem keypt er hverju sinni.
Tafla 2. Starfsendurhæfingarstöðvar sem ríkið hefur gert samninga við.
| Starfsendurhæfingarstöð | Greiðsla fyrir einstakling á mánuði |
Þjónustusamningur gerður | |
| Janus endurhæfing | Atvinnutengd endurhæfing – Gul leið | 117.500 kr. | 2008 |
| Atvinnutengd endurhæfing – Græn leið | 43.650 kr. | ||
| Endurhæfing á biðtíma – eingr. | 47.872 kr. | ||
| Eftirfylgd | 43.650 kr. | ||
| Janus – mat | Endurhæfingarmat | 67.454 kr. | 2009 |
| Ljósið | Heildargreiðsla á mánuði | 1.100.000 kr. | 2008 |
| Hringsjá | Atvinnutengd endurhæfing | 112.000 kr. | 2009 |
| Eftirfylgd (á tíma) | 5.000 kr. | ||
| Lesblindunámskeið | 125.000 kr. | ||
| Námskeið | 29.000 kr. | ||
| Ráðgjöf á námskeið (á tíma) | 5.000 kr. | ||
| Gunnar Guðmundsson endurhæfingarmatsteymi | Endurhæfingarmat | 13.963–41.888 kr. | 2009 |
| AE-starfsendurhæfing | Atvinnutengd endurhæfing | 113.194 kr. | 2008 |
| Eftirfylgd | 42.043 kr. | ||
| St.félag klúbbsins Geysir | Starfs- og námsráðgjöf Árleg greiðsla |
2.727.000 kr. | 2008 |
| Reykjalundur | Atvinnutengd endurhæfing Árleg greiðsla |
30.700.000 kr. | 2005 |
| Ekron | Atvinnutengd endurhæfing | 86.000 kr. | 2008 |
| St.endurh. Hafnarfjarðar | Atvinnutengd endurhæfing | 86.000 kr. | 2008 |
| St.endurh. Vestfjarða | Atvinnutengd endurhæfing | 86.000 kr. | 2009 |
| St.endurh. Skagafjarðar | Atvinnutengd endurhæfing | 86.000 kr. | 2008 |
| St.endurh. Norðurlands | Atvinnutengd endurhæfing | 86.000 kr. | 2008 |
| Snemmtæk íhlutun (Brúin) á viku | 26.875 kr. | ||
| Eftirfylgd | 7.000 kr. | ||
| St.endurh. Austurlands | Atvinnutengd endurhæfing | 86.000 kr. | 2008 |
| St.endurh. Suðurlands | Atvinnutengd endurhæfing | 86.000 kr. | 2009 |
| Starfsorka Vestmannaeyjum | Atvinnutengd endurhæfing | 86.000 kr. | 2010 |
| Samvinna Suðurnesjum | Atvinnutengd endurhæfing | 86.000 kr. | 2008 |
6. Hvernig er eftirliti háttað með starfsemi endurhæfingarstöðva sem fá greiðslur frá ríkinu og hver annast eftirlitið?
Það hefur ekki verið viðhaft markvisst eftirlit með framkvæmd samninga sem stjórnvöld hafa gert við starfsendurhæfingarstöðvar um atvinnutengda endurhæfingu en samstarf hefur verið milli aðila um þróun atvinnutengdrar endurhæfingar. Velferðarráðuneytið stefnir að því að gildandi samningar verði teknir út á tímabilinu ágúst til október 2011 en þegar hefur úttektaraðili ásamt embætti landlæknis tekið út einn samning að beiðni ráðuneytisins.
