Aðrar útgáfur af skjalinu: PDF - Word Perfect. Ferill 776. máls.
139. löggjafarþing 2010–2011.
Þskj. 1747 — 776. mál.
fjármálaráðherra við fyrirspurn Eyglóar Harðardóttur um toll á lestölvur.
Fyrirspurnin hljóðar svo:
Hver er afstaða ráðherra til þess að breyta tollflokkun lestölva og lækka toll á þær?
Ísland er aðili að samningi Alþjóðatollastofnunarinnar (WCO) um samræmda vörulýsinga- og vörunúmeraskrá. Gerð og túlkun á þeirri tollskrá sem notast er við hér á landi byggist á samræmdu skránni og skýringum við hana. Tollflokkuninni sem slíkri er því almennt ekki breytt nema í samræmi við samræmdu skrána. Þeim gjöldum sem hvíla á tollskrárnúmerum er hins vegar mögulegt að breyta með lögum.
Tollflokkun á lestölvum er mismunandi eftir gerð og búnaði hvers tækis. Almennt er þó hægt að halda fram að lestölvur flokkist í tollskrárnúmerið 8543.7001 sem ber 7,5% toll, 25% vörugjald og 25,5% virðisaukaskatt auk gjalds af eftirlitsskyldum rafföngum og úrvinnslugjald.
Tollur á vörur í þessu númeri er felldur niður á grundvelli fríverslunarsamninga, sé upprunaland vörunnar eitt af þeim löndum sem Ísland hefur gert fríverslunarsamning við. Þannig er ekki greiddur tollur af lestölvu eigi hún uppruna sinn (framleidd) á EES-svæðinu. Það hefur almennt verið stefna stjórnvalda að fella ekki niður tolla á einstakar vörutegundir nema á grundvelli tvíhliða samninga um gagnkvæmar tollívilnanir.
Þó svo að í fyrirspurninni sé eingöngu vísað til tolls er vörugjald jafnframt lagt á lestölvur og aðrar vörur í þessu tollskrárnúmeri. Er því gert ráð fyrir að átt sé við öll aðflutningsgjöld þegar vísað er til tolla, þ.m.t. vörugjaldsins.
Almenna vörugjaldið hefur verið talsvert til skoðunar í fjármálaráðuneytinu, bæði verklag vegna álagningar vörugjalds og samræmi innan kerfisins. Ljóst er að álagningu vörugjalds þarf að taka heildstætt til endurskoðunar. Almenna vörugjaldið ber þess glögglega merki að ómarkvissar breytingar á einstökum vöruflokkum hafa ekki leitt til samræmis í álagningu gjaldsins. Stefnt er að því að heildstæð endurskoðun fari fram í ráðuneytinu, í samráði við þá aðila sem málið varðar, sem miði að því að móta almenna stefnu og samræma gjaldtöku eins fljótt og mögulegt er.
139. löggjafarþing 2010–2011.
Þskj. 1747 — 776. mál.
Svar
fjármálaráðherra við fyrirspurn Eyglóar Harðardóttur um toll á lestölvur.
Fyrirspurnin hljóðar svo:
Hver er afstaða ráðherra til þess að breyta tollflokkun lestölva og lækka toll á þær?
Ísland er aðili að samningi Alþjóðatollastofnunarinnar (WCO) um samræmda vörulýsinga- og vörunúmeraskrá. Gerð og túlkun á þeirri tollskrá sem notast er við hér á landi byggist á samræmdu skránni og skýringum við hana. Tollflokkuninni sem slíkri er því almennt ekki breytt nema í samræmi við samræmdu skrána. Þeim gjöldum sem hvíla á tollskrárnúmerum er hins vegar mögulegt að breyta með lögum.
Tollflokkun á lestölvum er mismunandi eftir gerð og búnaði hvers tækis. Almennt er þó hægt að halda fram að lestölvur flokkist í tollskrárnúmerið 8543.7001 sem ber 7,5% toll, 25% vörugjald og 25,5% virðisaukaskatt auk gjalds af eftirlitsskyldum rafföngum og úrvinnslugjald.
Tollur á vörur í þessu númeri er felldur niður á grundvelli fríverslunarsamninga, sé upprunaland vörunnar eitt af þeim löndum sem Ísland hefur gert fríverslunarsamning við. Þannig er ekki greiddur tollur af lestölvu eigi hún uppruna sinn (framleidd) á EES-svæðinu. Það hefur almennt verið stefna stjórnvalda að fella ekki niður tolla á einstakar vörutegundir nema á grundvelli tvíhliða samninga um gagnkvæmar tollívilnanir.
Þó svo að í fyrirspurninni sé eingöngu vísað til tolls er vörugjald jafnframt lagt á lestölvur og aðrar vörur í þessu tollskrárnúmeri. Er því gert ráð fyrir að átt sé við öll aðflutningsgjöld þegar vísað er til tolla, þ.m.t. vörugjaldsins.
Almenna vörugjaldið hefur verið talsvert til skoðunar í fjármálaráðuneytinu, bæði verklag vegna álagningar vörugjalds og samræmi innan kerfisins. Ljóst er að álagningu vörugjalds þarf að taka heildstætt til endurskoðunar. Almenna vörugjaldið ber þess glögglega merki að ómarkvissar breytingar á einstökum vöruflokkum hafa ekki leitt til samræmis í álagningu gjaldsins. Stefnt er að því að heildstæð endurskoðun fari fram í ráðuneytinu, í samráði við þá aðila sem málið varðar, sem miði að því að móta almenna stefnu og samræma gjaldtöku eins fljótt og mögulegt er.
