Aðrar útgáfur af skjalinu: PDF - Word Perfect. Ferill 567. máls.

---

139. löggjafarþing 2010–2011.
Þskj. 956  —  567. mál.

Frumvarp til laga

um breytingu á lögum nr. 14/2004, um erfðafjárskatt, með síðari breytingum.

Flm.: Jón Gunnarsson,     Sigurður Kári Kristjánsson,

Tryggvi Þór Herbertsson, Ólöf Nordal.

1. gr.

    Við 1. gr. laganna bætist nýr málsliður, svohljóðandi: Undanþegin greiðslu erfðafjárskatts eru félög, sjóðir og stofnanir sem hér eiga heimili ef þessir aðilar verja hagnaði sínum einungis til almenningsheilla og hafa það að einasta markmiði samkvæmt samþykktum sínum.

2. gr.

    Lög þessi öðlast þegar gildi.

Greinargerð.

    Í 1. gr. gildandi laga um erfðafjárskatt kemur fram meginreglan um að erfingjar skuli greiða erfðafjárskatt af arfi sem þeim hlotnast. Í frumvarpi þessu er lagt til að félög, sjóði og stofnanir sem hér eiga heimili skuli undanþiggja skyldu til greiðslu erfðafjárskatts af arfi sem þeim hlotnast ef þessir aðilar „verja hagnaði sínum einungis til almenningsheilla og hafa það að einasta markmiði samkvæmt samþykktum sínum“. Tilvitnað skilyrði á sér fyrirmynd í 4. tölul. 4. gr. laga nr. 90/2003 og greiða lögaðilar sem undir það falla ekki tekjuskatt.