Ferill 152. máls. Aðrar útgáfur af skjalinu: PDF - Word Perfect.
144. löggjafarþing 2014–2015.
Þingskjal 645 — 152. mál.
Svar
fjármála- og efnahagsráðherra við fyrirspurn frá
Oddnýju G. Harðardóttur um barnabætur.
1. Hvað námu barnabætur að meðaltali hárri fjárhæð á hvert heimili einstaklings með tvö börn og annað yngra en sjö ára, greint eftir mánaðarlaunum á eftirfarandi tekjubilum: undir 200 þús. kr., 200–300 þús. kr., 300–400 þús. kr., 400–500 þús. kr., 500–600 þús. kr. og yfir 600 þús. kr. fyrir árin 2013, 2014 og 2015? Hverjar hefðu bæturnar orðið fyrir sömu tekjubil hefði breytingartillaga skv. þskj. 1135 í 484. máli 143. löggjafarþings verið samþykkt og hverjar eru áætlaðar bætur 2015 verði framkomnar tillögur ríkisstjórnar samþykktar, sbr. 2. mál yfirstandandi þings?
Barnabætur eru tekjutengdar og við útreikning þeirra er tekið tillit til tekna samkvæmt skattframtali og eru fjármagnstekjur þar meðtaldar. Rétt er að hafa í huga að barnabætur eru skattfrjálsar tekjur.
Eftirfarandi tafla 1 sýnir meðalbarnabætur hjá einstæðu foreldri með tvö börn og annað yngra en sjö ára, greint eftir tilgreindum tekjubilum. Miðað er við álagningarárin 2013 og 2014. Fjárhæðir barnabóta og skerðingarmörk tekna voru óbreytt milli 2013 og 2014. Eins og fram kemur í töflu 1 fær einstætt foreldri með tvö börn, annað yngra en 7 ára, og með tekjur undir 200 þús. kr. á mánuði sömu fjárhæð barnabóta 2013 og 2014, eða 665.375 kr. á ári, sem svarar til 55.448 kr. á mánuði. Fari tekjur hins vegar umfram þau mörk skerðast almennar barnabætur um 5% fyrir tvö börn, en sérstakar barnabætur með börnum yngri en sjö ár skerðast um 3% fyrir hvert barn.
Tafla 1. Einstætt foreldri með tvö börn og annað yngra en 7 ára.
| Álagningarár | 2013, árstölur í kr. | 2014, árstölur í kr. | ||
| Tekjubil | Fjöldi | Meðalbarnabætur | Fjöldi | Meðalbarnabætur |
| < 200 þús. kr. | 366 | 665.375 | 342 | 665.375 |
| 200–300 þús. kr. | 294 | 627.748 | 318 | 624.614 |
| 301–400 þús. kr. | 147 | 522.169 | 178 | 524.025 |
| 401–500 þús. kr. | 82 | 432.484 | 108 | 431.842 |
| 501–600 þús. kr. | 29 | 363.738 | 33 | 360.343 |
| > 600 þús. kr. | 40 | 262.004 | 52 | 238.724 |
Ef nefnd breytingartillaga á þingskjali 1135 í 484. máli 143. löggjafarþings hefði verið samþykkt hefðu greiðslur barnabóta samkvæmt reiknilíkani ráðuneytisins orðið þær sem fram koma í töflu 2 við álagningu 2014.
Tafla 2. Einstætt foreldri með tvö börn og annað yngra en 7 ára.
| Álagningarár | 2014, árstölur í kr. | |
| Tekjubil | Fjöldi | Meðalbarnabætur |
| < 200 þús. kr. | 342 | 713.643 |
| 200–300 þús. kr. | 318 | 672.882 |
| 301–400 þús. kr. | 178 | 572.293 |
| 401–500 þús. kr. | 108 | 479.523 |
| 501–600 þús. kr. | 33 | 392.298 |
| > 600 þús. kr. | 52 | 266.992 |
Í töflu 3 eru tölur fyrir áætlaðar meðalbarnabætur fyrir árið 2015 miðað við þær breytingartillögur sem nú eru til meðferðar á Alþingi, þar sem lagt er til að fjárhæðir barnabóta verði hækkaðar um 13% þegar búið er að taka tillit til 2,5% verðlagsuppfærslu. Að auki er lagt til að skerðingarhlutföll hækki um 1%. Niðurstaðan samkvæmt reiknilíkani ráðuneytisins er sú að barnabætur einstæðs foreldris með tvö börn, annað yngra en 7 ára, sem er með tekjur undir 200 þús. kr. á mánuði ættu að nema rúmlega 770 þús. kr. á ári, eða rúmlega 64 þús. kr. á mánuði verði frumvarpið samþykkt óbreytt.
Tafla 3. Einstætt foreldri með tvö börn og annað yngra en 7 ára.
| Álagningarár | 2015, árstölur í kr. | |
| Tekjubil | Fjöldi | Meðalbarnabætur |
| < 200 þús. kr. | 332 | 770.671 |
| 200–300 þús. kr. | 322 | 718.377 |
| 301–400 þús. kr. | 174 | 593.422 |
| 401–500 þús. kr. | 107 | 484.139 |
| 501–600 þús. kr. | 38 | 413.660 |
| > 600 þús. kr. | 58 | 260.699 |
2. Hvað námu barnabætur að meðaltali hárri fjárhæð á hvert heimili hjóna (sambýlisfólks) með tvö börn og annað yngra en sjö ára, greint eftir sameiginlegum mánaðarlaunum hjóna á eftirfarandi tekjubilum: undir 400 þús. kr., 400–500 þús. kr., 500–600 þús. kr., 600–700 þús. kr., 700–800 þús. kr. og yfir 800 þús. kr. fyrir árin 2013, 2014 og 2015? Hverjar hefðu bæturnar orðið fyrir sömu tekjubil hefði breytingartillaga skv. þskj. 1135 í 484. máli 143. löggjafarþings verið samþykkt og hverjar eru áætlaðar bætur 2015 verði framkomnar tillögur ríkisstjórnar samþykktar, sbr. 2. mál yfirstandandi þings?
3. Hversu mörg eru heimili einstaklinga annars vegar og hjóna eða sambýlisfólks hins vegar, skipt eftir tekjubilum og öðrum forsendum í 1. og 2. tölul.?
Í töflu 4 koma fram meðalbarnabætur hjá hjónum með tvö börn og annað yngra en sjö ára, greint eftir tilgreindum tekjubilum. Hér er einnig miðað við álagningarár 2013 og 2014. Fjárhæðir barnabóta og skerðingarmörk tekna voru óbreyttar milli 2013 og 2014. Hjón með tvö börn og annað yngra en 7 ára og með tekjur undir 400 þús. kr. á mánuði fær sömu fjárhæð barnabóta 2013 og 2014 eða 467 þús. kr. á ári eða tæp 39 þús. kr. á mánuði. Fari tekjur hins vegar umfram þau mörk skerðast almennar barnabætur um 5% fyrir tvö börn, en sérstakar barnabætur með börnum yngri en sjö ár skerðast um 3% fyrir hvert barn.
Tafla 4. Hjón/sambýlisfólk með tvö börn og annað yngra en 7 ára.
| Álagningarár | 2013, árstölur í kr. | 2014, árstölur í kr. | ||
| Tekjubil | Fjöldi | Meðalbarnabætur | Fjöldi | Meðalbarnabætur |
| < 400 þús. kr. | 506 | 467.019 | 411 | 467.019 |
| 400–500 þús. kr. | 314 | 419.228 | 289 | 416.913 |
| 501–600 þús. kr. | 429 | 319.479 | 344 | 323.944 |
| 601–700 þús. kr. | 434 | 229.970 | 412 | 230.064 |
| 701–800 þús. kr. | 312 | 166.585 | 293 | 166.664 |
| > 800 þús. kr. | 800 | 83.194 | 873 | 81.122 |
Ef umrædd breytingartillaga á 143. löggjafarþingi hefði verið samþykkt hefðu greiðslur barnabóta samkvæmt reiknilíkani ráðuneytisins orðið þær sem fram koma í töflu 5 við álagningu 2014.
Tafla 5. Hjón/sambýlisfólk með tvö börn og annað yngra en 7 ára.
| Álagningarár | 2014, árstölur í kr. | |
| Tekjubil | Fjöldi | Meðalbarnabætur |
| < 400 þús. kr. | 411 | 505.370 |
| 400–500 þús. kr. | 289 | 455.264 |
| 501–600 þús. kr. | 344 | 362.295 |
| 601–700 þús. kr. | 412 | 267.758 |
| 701–800 þús. kr. | 293 | 187.843 |
| > 800 þús. kr. | 873 | 99.473 |
Í töflu 6 eru tölur fyrir áætlaðar meðalbarnabætur fyrir árið 2015 miðað við þær breytingartillögur sem nú eru til meðferðar á Alþingi, þar sem lagt er til að fjárhæðir barnabóta verði hækkaðar um 13% þegar búið er að taka tillit til 2,5% verðlagsuppfærslu. Að auki er lagt til að skerðingarhlutföll hækki um 1%. Niðurstaðan samkvæmt reiknilíkani ráðuneytisins er sú að meðalbarnabætur hjóna með tvö börn, annað yngra en 7 ára, sem eru með tekjur undir 400 þús. kr. á mánuði nema tæplega 541 þús. kr. á ári eða rúmlega 45 þús. kr. á mánuði.
Tafla 6. Hjón/sambýlisfólk með tvö börn og annað yngra en 7 ára.
| Álagningarár | 2015, árstölur í kr. | |
| Tekjubil | Fjöldi | Meðalbarnabætur |
| < 400 þús. kr. | 395 | 540.925 |
| 400–500 þús. kr. | 275 | 479.201 |
| 501–600 þús. kr. | 345 | 360.271 |
| 601–700 þús. kr. | 405 | 250.827 |
| 701–800 þús. kr. | 280 | 184.603 |
| > 800 þús. kr. | 922 | 76.695 |
Til fróðleiks er eftirfarandi yfirlitsmynd yfir fjárhæðir barnabóta fyrir árin 2007–2015 á verðlagi hvers árs og verðlagi í september 2014.
Hér er efni sem sést aðeins í pdf-skjalinu.
