Ferill 159. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 159 — 159. mál.
Fyrirspurn
til heilbrigðisráðherra um bakteríusýkingar.
Frá Haraldi Benediktssyni.
1. Hver var tíðni eftirfarandi sýkinga á 100.000 íbúa á tímabilinu 2010–2014, sundurliðað eftir árum:
a. kampýlóbaktersýking,
b. salmonellusýking,
c. enterohemoragísk E. coli-sýking,
d. metisillínónæmir stafýlókokkar aureus (MÓSA),
e. breiðvirkir betalaktamasamyndandi sýklar (ESBL)?
2. Hve mikill hluti framangreindra sýkinga átti upptök sín hér á landi og hve mikill hluti erlendis?
3. Hver er sambærileg tíðni þessara sýkinga í eftirtöldum ríkjum eða ríkjasamböndum:
a. Danmörku,
b. Bretlandi,
c. Þýskalandi,
d. Evrópusambandinu í heild,
e. Bandaríkjunum?
4. Hver var árlegur kostnaður heilbrigðisþjónustunnar við meðhöndlun framangreindra sýkinga, sundurliðað eftir árum?
5. Telur ráðherra ávinning að því að vinna að frekari fækkun þessara sýkinga og ef svo er, hvernig telur ráðherra það best gert?
Skriflegt svar óskast.
