Ferill 837. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 1732 — 837. mál.
Svar
innanríkisráðherra við fyrirspurn frá Jóhönnu Maríu Sigmundsdóttur um Álftafjarðargöng.
Fyrirspurnin hljóðar svo:
Hvenær er ráðgert að rannsóknir og undirbúningur fyrir jarðgangagerð á milli Skutulsfjarðar og Álftafjarðar hefjist?
Forsenda fyrir framkvæmdum á vegum ríkisins, m.a. við veggöng, er fjárveiting á fjárlögum til þeirra. Ekki er komin fjárveiting til þessa verkefnis.
Samgönguáætlun er það tæki sem stjórnvöld hafa til að skipuleggja heildstætt samgöngukerfi fyrir landið. Alþingi hefur nú til þinglegrar meðferðar þingsályktunartillögu um samgönguáætlun 2015–2018. Ekki er gert ráð fyrir þessari framkvæmd í þeirri áætlun. Í samgönguáætlun 2015–2026 sem lögð hefur verið fram á Alþingi er ekki heldur gert ráð fyrir þessari framkvæmd.
Verði þessi jarðgöng eða rannsóknir vegna þeirra sett á áætlun mun tímasetning rannsókna og undirbúnings taka mið af því. Það er hins vegar óákveðið eins og stendur.
