Ferill 30. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 30 — 30. mál.
Fyrirspurn
til dómsmálaráðherra um atkvæðakassa.
Frá Birni Leví Gunnarssyni.
1. Hvaða gæðakröfur eru gerðar til atkvæðakassa samkvæmt lögum, reglugerðum eða öðrum vinnuferlum í kosningum til Alþingis, sveitarstjórnarkosningum og forsetakosningum?
2. Hvernig er staðið að eftirliti með því að atkvæðakassar standist gæðakröfur?
3. Hversu margir atkvæðakassar voru notaðir í kosningum til Alþingis 2017, skipt eftir kjördæmum?
4. Hver ber ábyrgð á geymslu og viðhaldi atkvæðakassa á milli kosninga?
5. Hvernig eru utankjörfundaratkvæði geymd á kjörstað meðan á utankjörfundaratkvæðagreiðslu stendur?
6. Hversu margir atkvæðakassar hafa brotnað, dottið í sundur eða á annan hátt opnast á óæskilegan hátt við afhendingu, flutning eða í notkun í hverjum alþingiskosningum síðan 2013?
Skriflegt svar óskast.
