Ferill 428. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 779 — 428. mál.
Svar
heilbrigðisráðherra við fyrirspurn frá Höllu Signýju Kristjánsdóttur um endurskoðun á lyfjalögum.
1. Hyggst ráðherra endurflytja 677. mál frá 145. þingi, frumvarp til lyfjalaga (heildarlög, EES-reglur)?
Í velferðarráðuneytinu er nú unnið að heildarendurskoðun á lyfjalögum og er við þá vinnu haft til hliðsjónar það frumvarp sem lagt var fram á 145. þingi. Ekki liggur fyrir hvenær frumvarpið verður lagt fram á Alþingi að nýju.
2. Hyggst ráðherra endurskoða hvort hægt sé að heimila sölu lausasölulyfja utan lyfjabúða, t.d. í dreifbýli?
Eins og greint er frá í svari við 1. tölul. fyrirspurnarinnar er unnið að heildarendurskoðun á lyfjalögum. Að svo stöddu er ekki hægt að gera grein fyrir einstökum efnisatriðum í þeirri vinnu.
