Ferill 772. máls. Aðrar útgáfur af skjalinu: PDF - Word Perfect.

153. löggjafarþing 2022–2023.
Þingskjal 1167  —  772. mál.



Fyrirspurn


til dómsmálaráðherra um flóttafólk frá Venesúela.

Frá Halldóri Auðar Svanssyni.

     1.      Hvenær og af hverjum var ákvörðun tekin um að veita umsækjendum um alþjóðlega vernd frá Venesúela viðbótarvernd skv. 2. mgr. 37. gr. laga um útlendinga, nr. 80/2016?
     2.      Styður ráðherra þessa ákvörðun? Ef svo er ekki, á hvaða forsendum er það?
     3.      Telur ráðherra að fólksflótti frá Venesúela uppfylli skilyrði um sameiginlega vernd vegna fjöldaflótta, sbr. 44. gr. fyrrgreindra laga? Ef svo er, hvers vegna hefur 44. gr. ekki verið beitt gagnvart umsækjendum um alþjóðlega vernd frá Venesúela?
     4.      Hvaða viðmið notast ráðuneytið við þegar ákveðið er hvort 44. gr. skuli beitt?


Skriflegt svar óskast.