Ferill 671. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1536 — 671. mál.
Svar
dómsmálaráðherra við fyrirspurn frá Eyjólfi Ármannssyni um gæsluvarðhald og fangelsisvistun útlendinga.
1. Hversu oft kröfðust stjórnvöld gæsluvarðhalds yfir útlendingum og hversu lengi í senn á grundvelli 115. gr. laga um útlendinga, nr. 80/2016, ár hvert 2016–2022?
Í töflu 1 er annars vegar tilgreindur fjöldi þeirra einstaklinga sem úrskurðaðir voru í gæsluvarðhald og hins vegar lengd gæsluvarðhalds, sundurliðað eftir árum (miðað er við það ár þegar gæsluvarðhald hófst). Lög nr. 80/2016, um útlendinga, tóku gildi 16. júní árið 2016 og miðast upplýsingarnar við þá dagsetningu fram til ársloka 2022. Hafa ber í huga að oft byggist krafa um gæsluvarðhald á fleiri en einu broti en hér eru tilgreind öll tilvik þar sem vísað er til 115. gr. laga um útlendinga, nr. 80/2016, óháð því hvort brot gegn öðrum lagaákvæðum voru einnig lögð til grundvallar. Það getur haft áhrif á lengd gæsluvarðhalds hvort um önnur brot var einnig að ræða.
Á tímabilinu höfnuðu dómstólar einu sinni kröfu lögreglu um gæsluvarðhald á grundvelli 115. gr. laga um útlendinga, nr. 80/2016. Krafist var 14 daga gæsluvarðhalds og var krafan lögð fram árið 2020.
Tafla 1: Fjöldi útlendinga sem sættu gæsluvarðhaldi á grundvelli 115. gr. laga um útlendinga, sundurliðað eftir árum og fjölda daga sem viðkomandi sættu gæsluvarðhaldi.
| Fjöldi daga í gæsluvarðhaldi |
||||||||||||||||
| Ár | 1 | 2 | 3 | 4 | 5 | 6 | 7 | 8 | 9 | 10 | 11 | 13 | 14 | 18 | 20 | Alls |
| 2016 | 0 | |||||||||||||||
| 2017 | 0 | |||||||||||||||
| 2018 | 2 | 1 | 3 | |||||||||||||
| 2019 | 1 | 1 | 1 | 1 | 4 | |||||||||||
| 2020 | 1 | 1 | 1 | 1 | 4 | |||||||||||
| 2021 | 2 | 1 | 1 | 1 | 2 | 7 | ||||||||||
| 2022 | 1 | 2 | 1 | 1 | 1 | 2 | 1 | 1 | 1 | 1 | 1 | 13 | ||||
| Alls | 2 | 4 | 3 | 2 | 1 | 1 | 2 | 4 | 3 | 2 | 1 | 1 | 3 | 1 | 1 | 31 |
2. Hversu margir útlendingar voru vistaðir í fangelsinu á Hólmsheiði og hversu lengi í senn vegna þess að flytja átti þá úr landi, svo sem á grundvelli d- eða g-liðar 1. mgr. 115. gr. laga um útlendinga, ár hvert 2016–2022?
Allir þeir einstaklingar sem tilgreindir eru í töflu 1, að einum frátöldum árið 2018, dvöldust á Hólmsheiði. Tafla 2 sýnir þá sem voru vistaðir á Hólmsheiði við lok gæsluvarðhalds á grundvelli d- og g-liðar 115. gr. laga um útlendinga, nr. 80/2016. Í sumum tilvikum var grundvöllur gæsluvarðhalds einnig brot á öðrum lagaákvæðum.
Tafla 2: Fjöldi útlendinga sem sættu gæsluvarðhaldi á Hólmsheiði, m.a. á grundvelli d- og g-liðar 1. mgr. 115. gr. laga um útlendinga, nr. 80/2016, sundurliðað eftir árum og fjölda daga sem viðkomandi sættu gæsluvarðhaldi.
| Fjöldi daga í gæsluvarðhaldi |
||||||||||||||
| Ár | 1 | 2 | 3 | 4 | 5 | 6 | 7 | 8 | 9 | 10 | 11 | 14 | 18 | Alls |
| 2018 | 2 | 2 | ||||||||||||
| 2019 | 1 | 1 | 1 | 3 | ||||||||||
| 2020 | 1 | 1 | 1 | 3 | ||||||||||
| 2021 | 2 | 1 | 1 | 1 | 5 | |||||||||
| 2022 | 1 | 2 | 1 | 1 | 2 | 1 | 1 | 1 | 10 | |||||
| Alls | 2 | 4 | 3 | 1 | 1 | 1 | 2 | 3 | 3 | 1 | 1 | 1 | 1 | 23 |
