Ferill 1068. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1758 — 1068. mál.
Fyrirspurn
til heilbrigðisráðherra um hjón á hjúkrunarheimilum.
Frá Þorbjörgu Sigríði Gunnlaugsdóttur.
1. Hversu mörg hjón dvelja á hjúkrunarheimili en búa ekki saman? Hversu mörg hjón búa saman á hjúkrunarheimili?
2. Hversu mörg hjón bjuggu ekki saman árin 2018–2022 þrátt fyrir að dveljast bæði á hjúkrunarheimili á grundvelli færni- og heilsumats?
3. Hversu margir létust á sama árabili meðan annað hjóna dvaldist á hjúkrunarheimili en maki var á biðlista eftir hjúkrunarrými?
4. Hversu margir eru á biðlista eftir hjúkrunarrými?
5. Hversu margir dveljast í svonefndu biðplássi á hjúkrunarheimili og bíða þar eftir varanlegu plássi?
6. Hversu margir dveljast á öðrum heilbrigðisstofnunum en eru á biðlista eftir hjúkrunarrými?
7. Hvernig er hjónum gert kleift að búa saman á hjúkrunarheimili þegar annað þeirra eða bæði hafa fengið heilsu- og færnimat um dvöl á slíku heimili?
Skriflegt svar óskast.
