Ferill 19. máls. Aðrar útgáfur af skjalinu: PDF - Word Perfect.
155. löggjafarþing 2024–2025.
Þingskjal 19 — 19. mál.
Fyrirspurn
til heilbrigðisráðherra um sjúkraskrárkerfið Sögu.
Frá Loga Einarssyni.
1. Hver er eigandi og rekstraraðili sjúkraskrárkerfisins Sögu?
2. Hver er heildarkostnaður ríkisins af sjúkraskrárkerfinu Sögu frá upphafi, sundurliðað eftir árum, upprunalegum þróunarkostnaði, rekstrarkostnaði, viðhaldskostnaði og kostnaði við uppfærslur og viðauka við kerfið?
3. Með hvaða hætti er samráði við heilbrigðisstofnanir og starfsfólk sem notar sjúkraskrárkerfið Sögu háttað í tengslum við uppfærslu á kerfinu?
4. Hver er afstaða ráðherra til áframhaldandi notkunar á sjúkraskrárkerfinu Sögu? Er ráðherra fylgjandi áframhaldandi notkun á kerfinu eða telur hann aðra lausn geta leyst kerfið af í náinni framtíð? Ef svo er, hvaða lausn er það?
Skriflegt svar óskast.
