Ferill 347. máls. Aðrar útgáfur af skjalinu: PDF - Word Perfect.

---

156. löggjafarþing 2025.

Prentað upp.

Þingskjal 425  —  347. mál.

Fyrirspurn

til dómsmálaráðherra um njósnastarfsemi.

Frá Bryndísi Haraldsdóttur.

     1.      Hvernig hyggst ráðherra styrkja viðnámsþrótt gegn njósnastarfsemi erlendra ríkja hér á landi?
     2.      Hvaða stofnanir bera ábyrgð á að greina og bregðast við slíkri starfsemi og telur ráðherra að þær hafi til þess nægjanlegar heimildir og úrræði?
     3.      Hefur farið fram mat á umfangi eða eðli slíkrar starfsemi hér á landi undanfarin ár?
     4.      Hafa íslensk stjórnvöld átt í samstarfi við stjórnvöld annarra ríkja um mótvægisaðgerðir gegn njósnum, svo sem upplýsingaskipti eða samræmingu á viðbrögðum?
     5.      Hafa íslenskir ríkisborgarar verið grunaðir um að stunda njósnir fyrir erlent ríki? Ef svo er, hvernig hefur verið brugðist við?
     6.      Hyggst ráðherra endurskoða gildandi lagaheimildir og verklag í ljósi breyttra öryggisáskorana og þróunar í alþjóðlegu samstarfi á þessu sviði?
     7.      Telur ráðherra að gildandi refsiákvæði í almennum hegningarlögum, nr. 19/1940, vegna njósna fyrir erlent ríki séu fullnægjandi og hefur verið tekin afstaða til þess hvort ástæða sé til að endurskoða þau í samræmi við þróun í nágrannaríkjum, svo sem annars staðar á Norðurlöndum?


Skriflegt svar óskast.