Ferill 471. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 1036 — 471. mál.
Svar
menningar-, nýsköpunar- og háskólaráðherra við fyrirspurn frá Ingibjörgu Davíðsdóttur um mannauðsmál.
1. Hversu mörg stöðugildi eru nú í mannauðsmálum í ráðuneytinu?
Eitt stöðugildi í mannauðsmálum er í menningar-, nýsköpunar- og háskólaráðuneyti.
2. Hvernig hefur þróunin verið í fjölda stöðugilda er sinna mannauðsmálum í ráðuneytinu á árunum 2016–2026? Svar óskast sundurliðað eftir árum.
Menningar-, nýsköpunar- og háskólaráðuneytið var stofnað í mars 2025 á grunni menningar- og viðskiptaráðuneytis og háskóla-, iðnaðar- og nýsköpunarráðuneytis sem voru stofnuð árið 2022. Í hvoru ráðuneyti fyrir sig var eitt stöðugildi mannauðsstjóra. Eftir uppstokkun ráðuneyta í Stjórnarráði Íslands samkvæmt forsetaúrskurði sem gefinn var út árið 2025 er um eitt stöðugildi að ræða í nýju menningar-, nýsköpunar- og háskólaráðuneyti.
3. Hefur ráðuneytið keypt sérfræðiráðgjöf vegna mannauðsmála árin 2016–2026? Svar óskast sundurliðað eftir árum og fyrirtækjum/rekstraraðilum.
Svar þetta miðast við þrjú framangreind ráðuneyti og nær því aftur til ársins 2022.
Hér er efni sem sést aðeins í pdf-skjalinu.
Hér er efni sem sést aðeins í pdf-skjalinu.
Hér er efni sem sést aðeins í pdf-skjalinu.
4. Hefur ráðuneytið gert samninga við fyrirtæki/rekstraraðila um þjónustu eða ráðgjöf á sviði mannauðsmála á árunum 2016–2026? Ef svo er, hvernig fór samningaferlið fram? Hafa samningar verið boðnir út? Hvaða fyrirtæki/rekstraraðilar sinna slíku fyrir ráðuneytið?
Háskóla-, iðnaðar- og nýsköpunarráðuneyti var með samning við Vinnuvernd og síðar Heilsuvernd. Samningarnir voru ekki boðnir út en leitað var tilboða og skipt um þjónustuaðila. Þá gerði háskóla-, iðnaðar- og nýsköpunarráðuneyti samning við Goðhól vegna vinnu við jafnlaunavottun. Sá samningur var ekki boðinn út.
Menningar- og viðskiptaráðuneyti var með samning við Auðnast. Þá var menningar- og viðskiptaráðuneyti með samning við iCert um vottunarúttekt.
Menningar-, nýsköpunar- og háskólaráðuneyti tók við samningi háskóla-, iðnaðar- og nýsköpunarráðuneytis við Heilsuvernd sem er virkur.
5. Hver hefur kostnaður vegna fyrrgreindrar þjónustu eða ráðgjafar verið á árunum 2016– 2026? Svar óskast sundurliðað eftir árum, fyrirtækjum/rekstraraðilum.
Sundurliðun á öllum kostnaði er að finna í töflum í svari við 3. tölul. fyrirspurnarinnar.
