Ferill 617. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Prentað upp.
Þingskjal 1069 — 617. mál.
Ráðherra.
Fyrirspurn
til fjármála- og efnahagsráðherra um skuldbindingar Betri samgangna.
Frá Guðlaugi Þór Þórðarsyni.
1. Hvaða skuldbindingar hafa Betri samgöngur samþykkt til að koma verkefninu í Keldnalandi í framkvæmd, t.d. varðandi þær framkvæmdir sem þarf að ráðast í til að koma lóðum í söluhæft ástand?
2. Hver er kostnaðurinn við að koma lóðum á Keldnalandi í söluhæft ástand og hver ber þann kostnað, þar á meðal fjármögnunarkostnað? Hér er átt við allan kostnað sem af hlýst, svo sem gatnagerð, innviðagjöld, ef við á, eða annan kostnað vegna þátttöku í framkvæmdum við innviði.
3. Hvað er gert ráð fyrir að söluverð lóða til uppbyggingaraðila íbúða þurfi að vera til þess að tryggja þann ábata sem gert er ráð fyrir í áætlunum?
4. Hvernig stuðla Betri samgöngur að því að kostnaður við að koma lóðunum í byggingarhæft ástand fari ekki fram úr áætlunum til að tryggja þann ábata sem gert er ráð fyrir í samgöngusáttmálanum?
5. Hvaða áhrif hefur það ef breytingar verða á þeim fjölda íbúða sem áætlað er að byggja í hverfinu?
6. Til hvaða ráðstafana geta Betri samgöngur gripið ef minna fjárflæði verður af Keldnalandi en áætlað er?
Skriflegt svar óskast.
