Ferill 681. máls. Aðrar útgáfur af skjalinu: PDF - Word Perfect.

157. löggjafarþing 2025–2026.
Þingskjal 1266  —  681. mál.



Fyrirspurn


til atvinnuvegaráðherra um nýtingu á útgefnum aflaheimildum.

Frá Sigurjóni Þórðarsyni.


     1.      Hvert er magn hlutdeildarsettra sjávardýra, sbr. lög um stjórn fiskveiða, nr. 116/2006, sem ekki hefur verið veitt á síðustu fimm fiskveiðiárum miðað við útgefnar aflaheimildir?
     2.      Hver var hlutfallsleg nýting aflaheimilda eftir fiskveiðiárum á sama tímabili?
     3.      Í hvaða tilvikum og á hvaða fiskveiðiárum á sama tímabili hefur ónýtt hlutfall aflaheimilda numið meira en 5% af heildarúthlutun?
    Þess er óskað að í svari við fyrirspurninni verði ekki bætt við tegundatilfærslum eða tilfærslum á milli ára.


Skriflegt svar óskast.

Greinargerð.

    Fyrirspurn þessi er lögð fram að nýju í kjölfar svars við fyrirspurn á þskj. 1174 á yfirstandandi löggjafarþingi. Í svarinu var stuðst við leiðréttingar vegna tegundatilfærslna og tilfærslna milli ára. Fyrirspyrjandi óskar hins vegar eftir upplýsingum um nýtingu útgefinna aflaheimilda án slíkra leiðréttinga.