Ferill 294. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 409 — 294. mál.
Fyrirspurn
til mennta- og barnamálaráðherra um fíknimeðferðarúrræði fyrir börn.
Frá Nönnu Margréti Gunnlaugsdóttur.
1. Hversu mörg börn bíða þess nú að fara í fíknimeðferð? Hver hefur þróun biðlista eftir fíknimeðferð fyrir börn verið undanfarin fimm ár?
2. Hvaða fíknimeðferðarúrræði fyrir börn eru í boði og hvar á landinu eru þau?
3. Hvaða fíknimeðferðarúrræði fyrir börn eru í undirbúningi og verða tekin í notkun á næstunni?
4. Hefur ráðuneytið viðurkennt erlendar stofnanir þar sem börnum er veitt fíknimeðferð sem stofnanir sem veita gagnreynda meðferð? Ef svo er, hvaða stofnanir?
5. Standast íslenskar stofnanir þar sem börnum er veitt fíknimeðferð sömu kröfur og erlendar stofnanir þar sem veitt er sama meðferð? Hvernig hefur fíknimeðferð fyrir börn á íslenskum stofnunum verið gagnreynd?
6. Hversu oft ár hvert undanfarin fimm ár hafa börn orðið uppvís að fíkniefnanotkun innan veggja meðferðarstofnunar?
7. Hafa meðferðarstofnanir fullnægjandi úrræði og heimild að lögum til að bregðast við fíkniefnanotkun barna innan veggja þeirra og koma í veg fyrir hana?
Skriflegt svar óskast.
