Ferill 518. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 880 — 518. mál.
Fyrirspurn
til félags- og húsnæðismálaráðherra um réttindagæslu fyrir fatlað fólk.
Frá Sigmundi Erni Rúnarssyni.
1. Hvernig var lagt mat á kostnað af réttindagæslu fyrir fatlað fólk þegar hún var flutt frá ráðuneytinu til Mannréttindastofnunar Íslands? Var í því mati tekið mið af þeirri mönnun og þeirri þjónustu sem talin var nauðsynleg til að réttindagæslan gæti sinnt bæði einstaklingsstuðningi og frumkvæðiseftirliti?
2. Hve margir réttindagæslumenn störfuðu undir lok réttindagæslunnar hjá ráðuneytinu? Hve margir réttindagæslumenn starfa hjá Mannréttindastofnun Íslands núna?
3. Liggur fyrir þarfagreining um hver fjöldi réttindagæslumanna þurfi að vera til að tryggja jafnt aðgengi fatlaðs fólks um land allt, þar á meðal fólks með þroskahömlun sem ekki getur sjálft leitað réttar síns?
4. Hver voru rökin fyrir því að færa réttindagæslu fatlaðs fólks til Mannréttindastofnunar Íslands? Hvernig hefur gengið að tryggja að stjórnsýslulegt eftirlit, kæruleiðir og ábyrgð á framkvæmd laganna sé í samræmi við stjórnsýslulög?
Skriflegt svar óskast.
