Ferill 475. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 902 — 475. mál.
Svar
heilbrigðisráðherra við fyrirspurn frá Ingibjörgu Davíðsdóttur um mannauðsmál.
1. Hversu mörg stöðugildi eru nú í mannauðsmálum í ráðuneytinu?
Í dag er eitt stöðugildi í mannauðsmálum í heilbrigðisráðuneytinu.
2. Hvernig hefur þróunin verið í fjölda stöðugilda er sinna mannauðsmálum í ráðuneytinu á árunum 2016–2026? Svar óskast sundurliðað eftir árum.
Á tímabilinu frá 2019–2026 hefur verið eitt stöðugildi í mannauðsmálum í heilbrigðisráðuneytinu. Á árunum 2016–2019 var heilbrigðisráðuneytið hluti af velferðarráðuneytinu. Þar var eitt stöðugildi í mannauðsmálum.
3. Hefur ráðuneytið keypt sérfræðiráðgjöf vegna mannauðsmála árin 2016–2026? Svar óskast sundurliðað eftir árum og fyrirtækjum/rekstraraðilum.
Já, heilbrigðisráðuneytið keypti sérfræðiráðgjöf vegna mannauðsmála á árunum 2016– 2026. Sjá nánari sundurliðun í svari við 5. tölul. fyrirspurnarinnar.
4. Hefur ráðuneytið gert samninga við fyrirtæki/rekstraraðila um þjónustu eða ráðgjöf á sviði mannauðsmála á árunum 2016–2026? Ef svo er, hvernig fór samningaferlið fram? Hafa samningar verið boðnir út? Hvaða fyrirtæki/rekstraraðilar sinna slíku fyrir ráðuneytið?
Nei, heilbrigðisráðuneytið hefur ekki gert samninga við fyrirtæki/rekstraraðila um þjónustu eða ráðgjöf á sviði mannauðsmála á árunum 2016–2026.
5. Hver hefur kostnaður vegna fyrrgreindrar þjónustu eða ráðgjafar verið á árunum 2016– 2026? Svar óskast sundurliðað eftir árum, fyrirtækjum/rekstraraðilum.
Hér er efni sem sést aðeins í pdf-skjalinu.
