Kristinn H. Gunnarsson:
Herra forseti. Í þessum tölulið brtt. meiri hlutans er lagt til að sveitarstjórn verði heimilt að meta hvort rétt sé að til greina komi að byggja á svæðum sem varin hafa verið snjóflóðum með sérstökum varnarmannvirkjum. Ekki ætla ég að leggjast gegn því að slíkt mati fari fram, hvort óhætt sé að reisa húsnæði á svæði sem annars á að vera öruggt vegna þess að búið er að reisa varnarmannvirki þar fyrir áður. En ég vek athygli á því að í þessu orðalagi er af hálfu þingsins í raun lýst yfir efasemdum um að varnarmannvirki eða varnarvirki dugi til þeirra hluta sem þau eru ætluð. Ég bið hv. þingheim að íhuga það.