[prenta uppsett í dálka] 127. fundur
Guðni Ágústsson:
Hæstv. forseti. Það er heiðarlegt í viðskiptum að þeir sem greiða njóti þess en þeir sem greiða ekki þeir græði ekki á því. Þess vegna er það nauðsynlegt í þessu að menn viti af því að ef þeir ekki greiða þá fellur á þá refsigjald. Hér er um það að ræða að það fellur 20% í eitt skipti. Það eru ekki dráttarvextir eða önnur viðurlög. Síðar kemur þessi greiðsla til skipta á fimm mánuðum löngu, löngu síðar þannig að gagnvart þeim heiðarlegu og mörgu sem greiða á gjalddaga legg ég til að menn hafi þetta ákvæði hér til að menn hafi ekki ávinning af því að svíkja keisarann um það sem keisarans er.
(Forseti (ÓE): Hvað segir þingmaðurinn?)
Þingmaðurinn segir eðlilega já við þessari tillögu.
