[prenta uppsett í dálka] 144. fundur, 122. lþ.
Frsm. meiri hluta (Vilhjálmur Egilsson) (andsvar):
Virðulegi forseti. Þetta mál fékk algjörlega eðlilega meðferð í efh.- og viðskn. og var fjallað óvenjulega mikið um það. Það var afgreitt á eðlilegum tíma miðað við þann tíma sem ætlaður er til nefndarstarfa.
Ég hygg að fjallað hafi verið um þetta í þingflokkum --- a.m.k. þingflokkum stjórnarflokkanna nokkrum sinnum --- ég skal ekki svara fyrir um það hvort fjallað var um það í þingflokki jafnaðarmanna. En það kemur mér verulega á óvart að þingmaðurinn skuli ekki hafa vitað af þessu máli, jafnmikill áhugamaður um það og hann virðist vera.
