[prenta uppsett í dálka] 116. fundur, 126. lþ.
Forseti (Halldór Blöndal):
Það er rétt hjá hv. þm. að fyrir lá beiðni hans um utandagskrárumræðu, en ég leit svo á að ekki væri rétt að hafa utandagskrárumræður á þessum degi þar sem boðað hafði verið til fundarins sérstaklega til að ræða þau frv. sem hér eru á dagskrá og synjaði þess vegna um utandagskrárumræður í dag. Þetta er rétt með farið hjá hv. þm. en ég minni á hinn bóginn á að nokkrar umræður urðu um störf þingsins í upphafi fundar eins og þingsköp gera ráð fyrir.
