[prenta uppsett í dálka] 44. fundur, 126. lþ.
Frsm. meiri hluta fjárln. (Jón Kristjánsson) (andsvar):
Herra forseti. Það er rétt að fjárlagafrv. gerir ráð fyrir að framkvæmdum í vegamálum verði frestað á milli áranna 2001 og 2002 um 800 millj. kr. Venjan er að setja slík markmið fram í fjárlagafrv. en hins vegar fjöllum við um skiptingu í einstök verkefni, framkvæmdir og forgangsröðun þegar vegáætlun kemur fram eftir áramótin. Þingið mun því fjalla um öll þessi mál þegar að henni kemur strax eftir áramótin. Ég hef kannað það í starfi nefndarinnar hvar þetta er á vegi statt og Vegagerðin hefur ekki gengið frá tillögum sínum um þetta mál enn þá en þær munu væntanlega liggja fyrir í byrjun febrúar þegar vegáætlun liggur fyrir.
