[prenta uppsett í dálka] 66. fundur, 128. lþ.
Ögmundur Jónasson (um fundarstjórn):
Herra forseti. Í upphafi þingfundar í dag, þegar hæstv. iðnrh. mælti fyrir því frv. sem hér hefur verið til umfjöllunar vísaði hún því til umfjöllunar í iðnn. þingsins. Ég vil koma því á framfæri við hæstv. forseta, án þess að ég sé að ætlast til svara af hans hálfu á þessari stundu, að mér finnist eðlilegt að frv. fái einnig umfjöllun í umhvn. þingsins og í efh.- og viðskn. þingsins, einfaldlega vegna þess að frv. tekur til þeirra þátta sem þessar nefndir fjalla um.
Ég endurtek að ég er ekki að óska eftir svörum frá hendi hæstv. forseta þingsins á þessari stundu, en vil koma þessum ábendingum á framfæri.
(Forseti (ÁSJ): Forseti mun taka málið til vinsamlegrar athugunar á seinni stigum.)
