Dagný Jónsdóttir:
Frú forseti. Ég vil einnig þakka fyrir fyrirspurn hv. þm. Margrétar Frímannsdóttur og finnst reyndar dálítið undarlegt að hér skuli fyrirspurnin vera komin fram í þriðja skipti á sama þingi, vegna þess að hæstv. ráðherra hefur tekið það skýrt fram að hann hefur vonir um að lokuð öryggisdeild muni taka til starfa síðar á árinu. Þess vegna er mjög mikilvægt að nefndin skili tillögum sínum sem fyrst og hæstv. ráðherra sagði áðan að þær muni koma í lok mánaðar og við verðum bara að treysta á það.