Ferill 679. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1716 — 679. mál.
Svar
fjármála- og efnahagsráðherra við fyrirspurn frá Ingu Sæland um nefndir, starfshópa, faghópa og ráð á vegum ráðuneytisins.
1. Hvaða nefndir, starfshópar, faghópar, ráð og áþekkir hópar starfa á vegum ráðuneytisins? Meðlimir hvaða hópa fá greidd laun fyrir vinnu sína?
Eftirfarandi nefndir, starfshópar, faghópar og ráð eru nú starfandi á vegum ráðuneytisins en rúmlega þriðjungur nefndanna er skipaður lögum samkvæmt:
– Bílanefnd ríkisins – lögbundin
– Endurkröfunefnd bifreiðatrygginga – lögbundin
– Fastanefnd á sviði fjármálamarkaðar um bankamál
– Fastanefnd á sviði vátrygginga
– Fastanefnd um verðbréfaviðskipti og -sjóði
– Fjármálaráð – lögbundið
– Fjármálastöðugleikaráð – lögbundið
– Kjararannsóknanefnd opinberra starfsmanna – lögbundin
– Kærunefnd útboðsmála – lögbundin
– Kærunefnd um fjármálastarfsemi – lögbundin
– Matsnefnd um frádráttarrétt erlendra sérfræðinga – lögbundin
– Nefnd – innleiðing á reglugerð (ESB) nr. 596/2014 um markaðssvik
– Nefnd til innleiðingar CSDR-reglugerðar um verðbréfamiðstöðvar (ESB) nr. 909/2014
– Nefnd um aukna skilvirkni í skattframkvæmd, álagningu og innheimtu opinberra gjalda
– Nefnd um endurskoðun á fyrirkomulagi úrskurðarnefnda á fjármálamarkaði
– Nefnd um fagfjárfestasjóði
– Nefnd um frumvarp til laga um miðlun vátrygginga
– Nefnd um innleiðingu á Evrópugerð um milligjöld fyrir kortatengd gjöld
– Nefnd um innleiðingu á MiFID II / MiFIR
– Nefnd um innleiðingu tilskipunar 2014/92/ESB um greiðslureikninga
– Nefnd um skilameðferð fjármálafyrirtækis
– Nefnd um tilskipun (ESB) 2015/2366 – PSD2 (Payment service directive 2)
– Nefnd vegna sérleyfissamninga (Concession) vegna lands í eigu ríkisins – lögbundin
– Prófnefnd verðbréfaviðskipta – lögbundin
– Reikningsskilaráð ríkisins – lögbundið
– Samninganefnd ríkisins – lögbundin
– Samninganefnd um tvísköttun
– Samráðsnefnd eftirlitsskyldra aðila um opinbert eftirlit með fjármálastarfsemi – lögbundin
– Samstarfsnefnd um lánsfjármál ríkissjóðs
– Samstarfsnefnd um opinberar framkvæmdir – lögbundin
– Starfshópur samkvæmt lögum nr. 127/2016 sem greini með heildstæðum hætti þörf á því að lífeyristökualdur tiltekinna starfshópa verði lægri en almennt tíðkast
– Starfshópur um ábyrgð lífeyrisskuldbindinga ríkis og sveitarfélaga vegna samrekstrar o.fl.
– Starfshópur um endurskoðun á lögum og reglum sem gilda um virðisaukaskatt af byggingarstarfsemi o.fl.
– Starfshópur um gerð nýrrar innheimtulöggjafar
– Starfshópur vegna innleiðingar á tilskipun 2014/49/ESB um innstæðutryggingakerfi
– Stýrihópur um stefnumörkun á fjárhags- og mannauðskerfi ríkisins
– Stýrinefnd um endurskoðun tekjuskattkerfisins, sbr. yfirlýsingu ríkisstjórnarinnar um aðgerðir í þágu félagslegs stöðugleika
– Úrskurðarnefnd um leiðréttingu verðtryggðra fasteignaveðlána – lögbundin
– Verkefnastjórn um afnám fjármagnshafta
– Verkefnisstjórn um kynjaða hagstjórn og fjárlagagerð
– Þóknananefnd – lögbundin
Meðlimir í eftirfarandi hópum, sem allir eru lögbundnir, fá greitt fyrir störf sín:
– Bílanefnd ríkisins
– Ferðakostnaðarnefnd
– Fjármálaráð
– Kjararannsóknanefnd opinberra starfsmanna
– Kærunefnd um fjármálastarfsemi
– Kærunefnd útboðsmála
– Prófnefnd verðbréfaviðskipta
– Reikningsskilaráð ríkisins
– Samninganefnd ríkisins
– Úrskurðarnefnd um leiðréttingu verðtryggðra fasteignaveðlána
– Þóknananefnd
2. Hversu mikill kostnaður hlaust af starfsemi ofangreindra hópa árið 2018?
Kostnaður ráðuneytisins vegna fyrrgreindra hópa á árinu 2018 nam samtals um 77 millj. kr. Kostnaður vegna vinnuframlags starfsmanna ráðuneytisins vegna hópanna er ekki tiltekinn.
3. Hyggst ráðherra stuðla að einfaldara og ódýrara stjórnkerfi með því að fækka launuðum nefndum, starfshópum, faghópum, ráðum og áþekkum hópum á vegum ráðuneytisins?
Ávallt er leitast við að gæta fagmennsku og hagkvæmni við skipun og rekstur nefnda og starfshópa.
Kostnaður vegna nefnda liggur fyrst og fremst í þóknunum sem greiddar eru til utanaðkomandi sérfræðinga fyrir þátttöku þeirra í nefndarstarfi eða ráðgjöf, enda er það meginregla að ekki sé greitt fyrir setu fulltrúa stjórnvalda og hagsmunaaðila í nefndum og ráðum á vegum ráðuneyta.
Við úrlausn verkefna af hálfu stjórnvalda ber að leitast við að afla ráðgjafar og álits sérfræðinga á viðkomandi sviði til að tryggja gæði stefnumótunar og ákvörðunartöku. Í ljósi þess ræðst fjöldi slíkra nefnda af eðli þeirra verkefna sem unnið er að í ráðuneytinu á hverjum tíma. Fylgst er með árangri af störfum þessara nefnda og ráða og reglulega metið hvort þörf sé á breytingum.