Ferill 485. máls. Aðrar útgáfur af skjalinu: PDF - Word Perfect.


152. löggjafarþing 2021–2022.
Þingskjal 1022  —  485. mál.




Svar


félags- og vinnumarkaðsráðherra við fyrirspurn frá Ásthildi Lóu Þórsdóttur um kærur til úrskurðarnefndar velferðarmála vegna fæðingar- og foreldraorlofsmála.


     1.      Hversu margar kærur bárust úrskurðarnefnd velferðarmála frá ársbyrjun 2016 til ársloka 2021 vegna ákvarðana Fæðingarorlofssjóðs eða Vinnumálastofnunar á grundvelli laga um fæðingar- og foreldraorlof, nr. 144/2020, eða eftir atvikum laga um fæðingar- og foreldraorlof, nr. 95/2000, sundurliðað eftir árum?
    2016 bárust 15 kærur.
    2017 bárust 17 kærur.
    2018 bárust 8 kærur.
    2019 bárust 7 kærur.
    2020 bárust 18 kærur.
    2021 bárust 21 kærur.

     2.      Hversu mörgum umræddra kærumála var vísað frá á þeim grundvelli að viðkomandi stofnun tók mál kæranda til skoðunar á ný á meðan nefndin var með málið til umfjöllunar, sundurliðað eftir árum?
    Árið 2016 var engu máli vísað frá á þessum grundvelli.
    Árið 2017 var engu máli vísað frá á þessum grundvelli.
    Árið 2018 var engu máli vísað frá á þessum grundvelli.
    Árið 2019 var engu máli vísað frá á þessum grundvelli.
    Árið 2020 var engu máli vísað frá á þessum grundvelli.
    Árið 2021 var engu máli vísað frá á þessum grundvelli.

     3.      Hver var meðalmálsmeðferðartími umræddra kærumála, þ.e. frá því að kæra barst og þar til úrskurður lá fyrir, sundurliðað eftir árum, að undanskildum málum sem var vísað frá á þeim grundvelli að kæra barst eftir að kærufrestur rann út?
    Málsmeðferðartími mála sem úrskurðað var í árið 2016 var 4,2 mánuðir.
    Málsmeðferðartími mála sem úrskurðað var í árið 2017 var 3,6 mánuðir.
    Málsmeðferðartími mála sem úrskurðað var í árið 2018 var 3,1 mánuður.
    Málsmeðferðartími mála sem úrskurðað var í árið 2019 var 3,1 mánuður.
    Málsmeðferðartími mála sem úrskurðað var í árið 2020 var 2,9 mánuðir.
    Málsmeðferðartími mála sem úrskurðað var í árið 2021 var 3,6 mánuðir.


     4.      Í hversu mörgum umræddra kærumála var málsmeðferðartími hjá nefndinni lengri en þrír mánuðir, sundurliðað eftir árum?
    2016 var málsmeðferðartími í 100% mála lengri en þrír mánuðir.
    2017 var málsmeðferðartími í 66% mála lengri en þrír mánuðir.
    2018 var málsmeðferðartími í 50% mála lengri en þrír mánuðir.
    2019 var málsmeðferðartími í 66% mála lengri en þrír mánuðir.
    2020 var málsmeðferðartími í 75% mála lengri en þrír mánuðir.
    2021 var málsmeðferðartími í 75% mála lengri en þrír mánuðir.

     5.      Hversu oft hefur Fæðingarorlofssjóður eða Vinnumálastofnun höfðað dómsmál til að fá úrskurði nefndarinnar hnekkt, sundurliðað eftir árum?
    Samkvæmt upplýsingum Vinnumálastofnunar hefur stofnunin aldrei höfðað dómsmál til að fá niðurstöðu úrskurðarnefndar velferðarmála hnekkt.