Aðrar útgáfur af skjalinu: PDF Word Perfect.

Þingskjal 597, 157. löggjafarþing 190. mál: fjármálafyrirtæki (CRR III).
Lög nr. 102 24. desember 2025.

Lög um breytingu á lögum um fjármálafyrirtæki, nr. 161/2002 (CRR III).

1. gr.

Eftirfarandi breytingar verða á 1. mgr. 1. gr. b laganna:

C-liður 2. tölul. fellur brott.
1. málsl. orðskýringar 8. tölul. orðast svo: Fyrirtæki sem annað fyrirtæki hefur yfirráð yfir.
11. tölul. orðast svo: Eignarhaldsfélag á fjármálasviði: Fyrirtæki sem uppfyllir öll eftirfarandi skilyrði:

það er fjármálastofnun,
það er ekki blandað eignarhaldsfélag í fjármálastarfsemi,
það hefur a.m.k. eitt dótturfélag sem er fjármálafyrirtæki,
meira en 50% einhvers eftirfarandi vísa tengjast, á stöðugum grunni, dótturfélögum sem eru fjármálafyrirtæki eða fjármálastofnanir og með starfsemi sem fyrirtækið sinnir sjálft sem tengist ekki kaupum eða eignarhaldi á hlutdeild í dótturfélögum ef sú starfsemi er sama eðlis og sú sem fjármálafyrirtæki eða fjármálastofnanir sinna:
1. eigin fjár fyrirtækisins á grundvelli samstæðustöðu þess,
2. eigna fyrirtækisins á grundvelli samstæðustöðu þess,
3. tekna fyrirtækisins á grundvelli samstæðustöðu þess,
4. starfsfólks fyrirtækisins á grundvelli samstæðustöðu þess,
5. annarra vísa sem Fjármálaeftirlitið telur eiga við.
Fjármálaeftirlitið getur ákveðið að eining teljist ekki eignarhaldsfélag á fjármálasviði þrátt fyrir að einn af þeim vísum sem um getur í 1.–4. tölul. sé uppfylltur, þegar Fjármálaeftirlitið telur að viðkomandi vísir gefi ekki sanngjarna og rétta mynd af aðalstarfsemi og áhættu samstæðunnar. Áður en það tekur slíka ákvörðun skal Fjármálaeftirlitið hafa samráð við Evrópsku bankaeftirlitsstofnunina og veita rökstuddar og ítarlegar eigindlegar og megindlegar ástæður. Fjármálaeftirlitið skal taka tilhlýðilegt tillit til álits Evrópsku bankaeftirlitsstofnunarinnar og ákveði það að víkja frá því skal það innan þriggja mánaða frá móttöku álits stofnunarinnar útskýra fyrir henni ástæðurnar fyrir því að vikið sé frá viðkomandi áliti.

17. tölul. orðast svo: Félag í viðbótarstarfsemi: Fyrirtæki sem hefur meginstarfsemi, hvort sem hún er í þágu fyrirtækja innan samstæðunnar eða viðskiptavina utan hennar, sem felst í einhverju af eftirfarandi:

beinu framhaldi af bankastarfsemi,
rekstrarleigu, eignarhaldi eða umsjón fasteigna, veitingu gagnavinnsluþjónustu eða annarri starfsemi að svo miklu leyti sem hún er til viðbótar við bankaþjónustu,
annarri starfsemi sem Evrópska bankaeftirlitsstofnunin telur svipaða þeirri sem um getur í a- og b-lið.

21. tölul. orðast svo: Fjármálastofnun: Fyrirtæki sem uppfyllir bæði eftirfarandi skilyrði:

það er ekki fjármálafyrirtæki, hreint eignarhaldsfélag á sviði framleiðslustarfsemi, sérstakur verðbréfunaraðili, eignarhaldsfélag á vátryggingasviði samkvæmt lögum um vátryggingasamstæður eða blandað eignarhaldsfélag á vátryggingasviði samkvæmt lögum um vátryggingasamstæður, nema þegar blandað eignarhaldsfélag á vátryggingasviði hefur dótturfélag sem er fjármálafyrirtæki,
það uppfyllir eitt eða fleiri af eftirfarandi skilyrðum:

meginstarfsemi fyrirtækisins felst í að afla eða eiga eignarhluti eða stunda eina eða fleiri af þeim tegundum starfsemi sem taldar eru upp í 2.–12. og 15.–17. tölul. 1. mgr. 20. gr. eða eina eða fleiri af þeim tegundum þjónustu eða starfsemi sem taldar eru upp í 16. eða 67. tölul. 1. mgr. 4. gr. laga um markaði fyrir fjármálagerninga, nr. 115/2021, í tengslum við fjármálagerninga skv. 17. tölul. 1. mgr. 4. gr. sömu laga,
fyrirtækið er verðbréfafyrirtæki, blandað eignarhaldsfélag í fjármálastarfsemi, greiðsluþjónustuveitandi skv. a–d-lið 23. tölul. 3. gr. laga um greiðsluþjónustu, nr. 114/2021, eignastýringarfélag eða félag í viðbótarstarfsemi.

Í stað orðanna „hefur veruleg áhrif á“ í 27. tölul. kemur: fer með hlutdeild í samkvæmt lögum um ársreikninga.
Á eftir 27. tölul. kemur nýr töluliður, svohljóðandi: Hreint eignarhaldsfélag á sviði framleiðslustarfsemi: Fyrirtæki sem uppfyllir öll eftirfarandi skilyrði:

meginstarfsemi þess felst í að afla eða eiga eignarhluti,
það er ekki aðili skv. a- eða d–j-lið 2. tölul., verðbréfafyrirtæki, eignastýringarfélag eða greiðsluþjónustuveitandi skv. a–d-lið 23. tölul. 3. gr. laga um greiðsluþjónustu, nr. 114/2021,
það fer ekki með hlutdeild í aðila á fjármálamarkaði.

30. tölul. orðast svo: Íbúðarhúsnæði: Eitthvað af eftirfarandi:

fasteign sem er dvalarstaður í eðli sínu og uppfyllir öll gildandi lög og reglugerðir til að hægt sé að nýta eignina til búsetu,
fasteign sem er dvalarstaður í eðli sínu og er enn í byggingu, að því tilskildu að búist sé við því að eignin muni uppfylla öll gildandi lög og reglugerðir til að hægt sé að nýta eignina til búsetu,
land sem fylgir fasteign sem um getur í a- og b-lið.

Á eftir 33. tölul. kemur nýr töluliður, svohljóðandi: Lagaleg áhætta: Hætta á tapi, þ.m.t. kostnaður, sektir, viðurlög eða refsibætur, sem gæti fallið á fjármálafyrirtæki vegna atvika sem leiða til málareksturs, þ.m.t. eftirfarandi:
1. eftirlitsaðgerða og sáttagerða í einkamálum,
2. athafnaleysis þegar aðgerðir eru nauðsynlegar til að fara að lagalegri skyldu,
3. aðgerða til að komast hjá því að fara að lagalegri skyldu,
4. misferlisatburða sem eru til komnir vegna misferlis af ásetningi eða gáleysi, þ.m.t. óviðeigandi fjármálaþjónustu eða ófullnægjandi eða villandi upplýsinga um fjárhagslega áhættu afurða sem fjármálafyrirtækið selur,
5. brots gegn kröfum sem koma til vegna innlendra eða alþjóðlegra stjórnsýslu- eða lagaákvæða,
6. brots gegn kröfum sem koma til frá samningsbundnu fyrirkomulagi, eða innri reglum og hátternisreglum sem komið var á fót í samræmi við innlendar eða alþjóðlegar reglur og starfshætti,
7. brots gegn siðareglum.
Endurgreiðslur til þriðju aðila eða starfsmanna og greiðslur vegna viðskiptavildar þegar viðskiptatækifæri koma til, þegar ekki hefur verið brotið í bága við reglur eða siðferðilega framkvæmd og þegar fjármálafyrirtækið hefur uppfyllt skuldbindingar sínar tímanlega, teljast ekki til lagalegrar áhættu. Lagaleg áhætta skal ekki heldur ná til ytri lögfræðikostnaðar þegar atburðurinn sem veldur þeim kostnaði er ekki rekstraráhættuatburður.
Á eftir 36. tölul. kemur nýr töluliður, svohljóðandi: Líkanaáhætta: Hætta á tapi af völdum ákvarðana sem teknar eru á grundvelli niðurstaðna eigin líkana vegna villna í hönnun, þróun, mati á áhættubreytum, innleiðingu, notkun eða eftirliti með slíkum líkönum, þ.m.t. eftirfarandi:

óviðeigandi hönnunar á völdu eigin líkani og eiginleikum þess,
ófullnægjandi sannprófunar á hentugleika valins eigin líkans fyrir fjármálagerning sem meta á eða afurð sem á að verðleggja eða hentugleika valins eigin líkans í hlutaðeigandi markaðsaðstæðum,
skekkna í framkvæmd á völdu eigin líkani,
rangs mats á markaðsvirði og áhættumati vegna villu þegar viðskipti voru færð inn í viðskiptakerfið,
notkunar á völdu eigin líkani eða niðurstaðna þess í tilgangi sem líkanið var ekki ætlað eða hannað fyrir, þ.m.t. hagræðingar á mæliþáttum líkanagerðar,
ótímabærs eða óskilvirks eftirlits eða sannreyningar á frammistöðu líkans eða forspárgildis þess við mat á því hvort valið eigið líkan sé enn nothæft.

44. tölul. orðast svo: Móðurfélag: Fyrirtæki sem hefur yfirráð yfir einu eða fleiri fyrirtækjum.
Í stað orðanna „fjármálastofnun eða félag í viðbótarstarfsemi“ í 49. tölul. kemur: eða fjármálastofnun.
Við 54. tölul. bætist: líkanaáhættu og upplýsinga- og fjarskiptatækniáhættu en þó að frátalinni stefnu- og orðsporsáhættu.
Við bætast tveir nýir töluliðir, í viðeigandi stafrófsröð, svohljóðandi:

Upplýsinga- og fjarskiptatækniáhætta: Hætta á tapi vegna hvers kyns aðstæðna, í tengslum við notkun á net- og upplýsingakerfum, sem raunhæft er að greina og sem geta, ef þær raungerast, stofnað öryggi net- og upplýsingakerfa, hvers kyns tækniháðs búnaðar eða ferla, starfrækslu og ferla eða veitingu þjónustu í hættu með því að hafa skaðleg áhrif á stafrænt eða efnislegt umhverfi.
Viðskiptahúsnæði: Fasteign sem er ekki íbúðarhúsnæði.

2. gr.

Við 1. mgr. 1. gr. c laganna bætast fjórir nýir töluliðir, svohljóðandi:

Reglugerð Evrópuþingsins og ráðsins (ESB) 2024/1623 frá 31. maí 2024 um breytingu á reglugerð (ESB) 575/2013 að því er varðar kröfur vegna útlánaáhættu, leiðréttingaráhættu vegna útlánavirðis, rekstraráhættu, markaðsáhættu og úttaksgólf, sem er birt á bls. 210 í EES-viðbæti við Stjórnartíðindi Evrópusambandsins nr. 28 frá 30. apríl 2025, með þeim aðlögunum sem leiðir af ákvörðun sameiginlegu EES-nefndarinnar nr. 291/2024 frá 6. desember 2024, sem er birt á bls. 70 í EES-viðbæti við Stjórnartíðindi Evrópusambandsins nr. 25 frá 24. apríl 2025.
Framseldri reglugerð framkvæmdastjórnarinnar (ESB) 2024/2795 frá 24. júlí 2024 um breytingu á reglugerð Evrópuþingsins og ráðsins (ESB) nr. 575/2013 að því er varðar framkvæmdardagsetningu krafna um eiginfjárgrunn vegna markaðsáhættu, sem er birt á bls. 399 í EES-viðbæti við Stjórnartíðindi Evrópusambandsins nr. 28 frá 30. apríl 2025.
Reglugerð Evrópuþingsins og ráðsins (ESB) 2025/1215 frá 17. júní 2025 um breytingu á reglugerð (ESB) nr. 575/2013 að því er varðar kröfur vegna fjármögnunarviðskipta með verðbréf samkvæmt hlutfalli stöðugrar fjármögnunar, sem er birt í auglýsingu nr. 26/2025 í C-deild Stjórnartíðinda.
Framseldri reglugerð framkvæmdastjórnarinnar (ESB) 2025/1496 frá 12. júní 2025 um breytingu á reglugerð Evrópuþingsins og ráðsins (ESB) nr. 575/2013 að því er varðar framkvæmdardagsetningu krafna um eiginfjárgrunn vegna markaðsáhættu, sem er birt í auglýsingu nr. 27/2025 í C-deild Stjórnartíðinda.

3. gr.

Í stað orðsins „atvinnuhúsnæði“ í b-lið 2. tölul. 86. gr. i laganna kemur: viðskiptahúsnæði.

4. gr.

Á eftir orðunum „eignarhaldsfélögum á fjármálasviði“ í 4. mgr. 107. gr. laganna kemur: blönduðum eignarhaldsfélögum í fjármálastarfsemi.

5. gr.

Á eftir orðinu „samstæðu“ í 1. málsl. 1. mgr. 109. gr. laganna kemur: þ.m.t. undirsamstæðu.

6. gr.

13. tölul. 2. mgr. 117. gr. a laganna orðast svo: 2. mgr. 461. gr. a um kröfur um eiginfjárgrunn vegna markaðsáhættu.

7. gr.

Eftirfarandi breytingar verða á 2. mgr. 117. gr. b laganna:

Á eftir 9. tölul. kemur nýr töluliður, svohljóðandi: 4. mgr. 34. gr. um viðbótarvirðisbreytingar.
Á eftir 21. tölul. kemur nýr töluliður, svohljóðandi: 10. mgr. 94. gr. um undanþágu fyrir lítið umfang veltubókarviðskipta.
Á eftir 22. tölul. koma tveir nýir töluliðir, svohljóðandi:

9. mgr. 104. gr. um skráningu í veltubókina.
4. mgr. 104. gr. c um meðferð áhættuvarna fyrir gjaldmiðlaáhættu á eiginfjárhlutföll.

Á eftir 24. tölul. koma tveir nýir töluliðir, svohljóðandi:

8. mgr. 111. gr. um áhættuskuldbindingarvirði.
4. mgr. 122. gr. a um sértækar lánaáhættuskuldbindingar.

Í stað „4. mgr.“ í 25. tölul. kemur: 11. og 14. mgr.
30.–32. tölul., sem verða 36.–38. tölul., orðast svo:

11. og 12. mgr. 147. gr. um aðferðafræði við að skipa áhættuskuldbindingum í flokka.
9. mgr. 153. gr. um áhættuvegnar fjárhæðir áhættuskuldbindinga vegna áhættuskuldbindinga gagnvart ríkisstjórnum og seðlabönkum, héraðsstjórnum, staðaryfirvöldum og opinberum aðilum, áhættuskuldbindingar gagnvart stofnunum og áhættuskuldbindingar gagnvart fyrirtækjum.
6. mgr. 157. gr. um fjárhæðir áhættuveginna áhættuskuldbindinga hvað varðar þynningaráhættu keyptra viðskiptakrafna.

39. og 40. tölul. falla brott.
Á eftir 42. tölul. kemur nýr töluliður, svohljóðandi: 4. mgr. 229. gr. um matsreglur fyrir aðrar veðhæfar tryggingar en fjárhagslegar tryggingar.
Í stað 50.–53. tölul. koma sjö nýir töluliðir, svohljóðandi:

9. og 10. mgr. 314. gr. um viðskiptavísi.
3. mgr. 315. gr. um aðlaganir á viðskiptavísinum.
3. mgr. 316. gr. um útreikning á árlegu tapi vegna rekstraráhættu.
9. mgr. 317. gr. um gagnasafn um tap.
3. mgr. 320. gr. um það sem er undanskilið við tapsútreikninga.
2. mgr. 321. gr. um tap sem stafar af samruna og yfirtöku eininga eða starfsemi sem tekið er til greina.
2. mgr. 323. gr. um umgjörð um stýringu rekstraráhættu.

Á eftir 54. tölul. koma tveir nýir töluliðir, svohljóðandi:

8. mgr. 325. gr. c um gildissvið, uppbyggingu og eigindlegar kröfur óhefðbundinnar staðalaðferðar.
7. mgr. 325. gr. j um meðferð sjóða um sameiginlega fjárfestingu.

Á eftir „5.“ í 55. tölul. kemur: og 6.
Í stað „9. mgr.“ í 58. tölul. kemur: 10. mgr.
Á eftir 58. tölul. kemur nýr töluliður, svohljóðandi: 6. mgr. 325. gr. bc um útreikninga á áætluðu greiðslufalli að hluta til.
Á eftir „9.“ í 61. tölul. kemur: og 10.
71. tölul. fellur brott.
Við 72. tölul. bætist: og 6. mgr. 382. gr. um mat á áhættuskuldbindingum vegna leiðréttingaráhættu á útlánavirði sem stafar af fjármögnunarviðskiptum með verðbréf á gangvirði.
73. tölul. orðast svo: 4. og 5. mgr. 383. gr. a um eftirlitslíkan leiðréttinga á útlánavirði.
83. tölul. fellur brott.
Á eftir 84. tölul. kemur nýr töluliður, svohljóðandi: 3. mgr. 449. gr. a um birtingu upplýsinga um umhverfis-, félags- og stjórnunaráhættu (UFS-áhættu).
89. tölul. orðast svo: 5. mgr. 501. gr. d um umbreytingarákvæði um varfærnismeðferð á sýndareignum.

8. gr.

Lög þessi öðlast þegar gildi.

Samþykkt á Alþingi 18. desember 2025.

Lög um breytingu á lögum um fjármálafyrirtæki, nr. 161/2002 (CRR III).

Þingfundir og mál

Leita á vefnum