Aðrar útgáfur af skjalinu: PDF Word Perfect.

Þingskjal 618, 157. löggjafarþing 269. mál: almannatryggingar og heilbrigðisþjónusta (hækkun almenns frítekjumarks ellilífeyris o.fl.).
Lög nr. 95 24. desember 2025.

Lög um breytingu á lögum um almannatryggingar og lögum um heilbrigðisþjónustu (hækkun almenns frítekjumarks ellilífeyris o.fl.).


I. KAFLI
Breyting á lögum um almannatryggingar, nr. 100/2007.

1. gr.

     Við 14. tölul. 2. gr. laganna bætist nýr málsliður, svohljóðandi: Þjónustuaðilar samkvæmt lögum þessum eru Tryggingastofnun, VIRK – Starfsendurhæfingarsjóður, félagsþjónusta sveitarfélaga, Vinnumálastofnun og heilbrigðisstofnanir.

2. gr.

     11. gr. laganna fellur brott.

3. gr.

     2. málsl. 3. mgr. 12. gr. laganna fellur brott.

4. gr.

     Á eftir 21. gr. laganna kemur ný grein, 21. gr. a, ásamt fyrirsögn, svohljóðandi:
Aldursviðbót ellilífeyrisþega.
     Hafi ellilífeyrisþegi uppfyllt skilyrði aldursviðbótar skv. 29. gr. fram til ellilífeyrisaldurs skal viðkomandi áfram eiga rétt á aldursviðbót skv. 2. mgr. 29. gr. og bætist aldursviðbótin þá við fjárhæð ellilífeyris.
     Samanlögð fjárhæð ellilífeyris og aldursviðbótar skal lækka um 45% af tekjum lífeyrisþega umfram frítekjumörk í samræmi við þá reglu sem fram kemur í 21. gr., sbr. einnig 22. gr. Um útreikning á fjárhæð aldursviðbótar vegna réttindahlutfalls fer skv. 16. og 18. gr.

5. gr.

     Í stað fjárhæðarinnar „438.000 kr.“ í 1. málsl. 3. mgr. 22. gr. laganna kemur: 720.000 kr.

6. gr.

     Eftirfarandi breytingar verða á 28. gr. laganna:
  1. Við 1. mgr. bætist nýr málsliður, svohljóðandi: Þjónustuaðilar og aðilar sem veita þjónustu í umboði þeirra skulu miðla upplýsingum um veitta þjónustu inn í gáttina.
  2. Við bætast þrjár nýjar málsgreinar, svohljóðandi:
    3.      Tryggingastofnun skal starfrækja upplýsingakerfi samhæfingarteyma í þeim tilgangi að skipuleggja fyrirtöku og afgreiðslu mála. Í kerfið skulu skráðar upplýsingar um starfsemi samhæfingarteyma, svo sem um vísun mála til teyma og ástæðu þess, dagskrá funda, fyrirtöku og niðurstöðu mála auk þess sem skrá skal samantekt upplýsinga um einstaklinga sem nauðsynlegar eru til þess að samhæfingarteymin geti komist að niðurstöðu. Meðal þeirra upplýsinga sem skulu vera aðgengilegar í upplýsingakerfi samhæfingarteyma eru upplýsingar um heilsufar, félagslegar aðstæður, vinnusögu og þá meðferð og endurhæfingu sem einstaklingar hafa fengið. Þessar upplýsingar skulu vistaðar í gagnagrunnum Tryggingastofnunar og gerðar aðgengilegar viðeigandi samhæfingarteymi í upplýsingakerfinu. Upplýsingar sem eru gerðar aðgengilegar í upplýsingakerfi samhæfingarteyma í gegnum þjónustugátt skulu ekki vistaðar í kerfinu.
         Tryggingastofnun skal halda skrá á landsvísu með upplýsingum frá þjónustuaðilum og aðilum sem veita þjónustu í umboði þjónustuaðila í tengslum við framvindu viðurkenndrar meðferðar og endurhæfingar einstaklinga óháð því hvort þeir hafi sótt um eða fái greiðslur frá Tryggingastofnun. Tryggingastofnun skal einnig, í samráði við ráðherra og ráðherra heilbrigðismála, nota upplýsingar úr skránni við áætlanagerð, stefnumótun og önnur verkefni ráðuneytanna. Stofnunin skal vera í samstarfi við þjónustuaðila um vinnslu og túlkun gagnanna. Tryggingastofnun er heimilt að vinna með persónugreinanleg gögn í fyrrnefndri skrá, þ.m.t. um áætlanir og staðfestingar á meðferð og endurhæfingu sem veitt er af þjónustuaðilum eða af aðilum sem veita þjónustu í umboði þjónustuaðila. Persónuauðkenni í skránni skulu dulkóðuð.
         Ráðherra skal setja reglugerð þar sem fram koma nánari reglur um vinnslu persónuupplýsinga, þ.m.t. um tilgang og aðferðir við vinnsluna.
  3. Við fyrirsögn greinarinnar bætist: og vinnsla persónuupplýsinga.

7. gr.

     Í stað orðanna „Þá skulu Tryggingastofnun og þjónustuaðilar“ í 2. mgr. 51. gr. laganna kemur: Þjónustuaðilar og þeir aðilar sem veita þjónustu í umboði þjónustuaðila skulu.

8. gr.

     Orðin „stjórn Tryggingastofnunar og“ í 2. mgr. 54. gr. laganna falla brott.

9. gr.

     Eftirfarandi breytingar verða á 55. gr. a laganna:
  1. Eftirfarandi breytingar verða á 1. mgr.:
    1. Eftirfarandi breytingar verða á 1. málsl.:
      1. Í stað orðanna „þjónustuaðila sem veita þjónustu í tengslum við endurhæfingu“ kemur: aðra þjónustuaðila um samhæfingu þjónustu í tengslum við endurhæfingu einstaklinga sem þurfa þjónustu fleiri en eins kerfis, m.a.
      2. Orðin „sem þurfa þjónustu fleiri en eins aðila“ falla brott.
    2. Eftirfarandi breytingar verða á 2. málsl.:
      1. Í stað orðanna „samningi sem tilgreindir“ kemur: samstarfssamningi sem.
      2. Í stað orðsins „samstarf“ kemur: samvinnu.
      3. Í stað orðsins „þjónustuaðila“ kemur: kerfa.
    3. Við bætist nýr málsliður, svohljóðandi: Tryggingastofnun skal stýra starfsemi samhæfingarteyma.
  2. Í stað orðanna „aðilanna og stofnunarinnar“ í 2. mgr. kemur: kerfanna og Tryggingastofnunar.
  3. Orðið „við“ í fyrirsögn greinarinnar fellur brott.

10. gr.

     Við ákvæði til bráðabirgða í lögunum bætist nýr töluliður, svohljóðandi: Þrátt fyrir 1. málsl. 3. mgr. 22. gr. skal lífeyrisþegi hafa almennt frítekjumark sem nemur 498.000 kr. árið 2026 og 558.000 kr. árið 2027. Fjárhæð framangreindra frítekjumarka fyrir árin 2026 og 2027 skulu taka breytingum skv. 62. gr.

II. KAFLI
Breyting á lögum um heilbrigðisþjónustu, nr. 40/2007.

11. gr.

     Í stað 2. mgr. 35. gr. laganna koma tvær nýjar málsgreinar, svohljóðandi:
     Heilbrigðisstofnanir sem veita þjónustu í tengslum við endurhæfingu skulu eiga samstarf við aðra þjónustuaðila um samhæfingu þjónustu í tengslum við endurhæfingu einstaklinga sem þurfa þjónustu fleiri en eins kerfis. Heilbrigðisstofnanirnar skulu eiga aðild að samstarfssamningi sem þjónustuaðilar skulu gera um samstarf sín á milli, þar á meðal um starfsemi samhæfingarteyma, svo sem hvenær málum skuli vísað til slíkra teyma, og hvernig ábyrgð á máli færist á milli einstakra kerfa.
     Til að heilbrigðisstofnunum sé unnt að gegna skyldum sínum skv. 2. mgr. skulu stofnanirnar, þegar það á við, gera nauðsynlegar upplýsingar aðgengilegar öðrum þjónustuaðilum í gegnum sameiginlega þjónustugátt kerfanna og Tryggingastofnunar, sbr. 28. gr. laga um almannatryggingar, nr. 100/2007, þ.m.t. þær sem viðkvæmar geta talist, svo sem heilsufarsupplýsingar, og upplýsingar um félagslegar aðstæður þess einstaklings sem í hlut á hverju sinni. Heilbrigðisstofnun ber að upplýsa hlutaðeigandi einstaklinga um fyrirhugaða vinnslu persónuupplýsinga í samræmi við 2. mgr. 17. gr. laga um persónuvernd og vinnslu persónuupplýsinga, nr. 90/2018.

12. gr.

     Lög þessi öðlast gildi 1. janúar 2026 en greiðslur skv. 4. gr. koma til framkvæmda 1. mars 2026.

13. gr.

Breyting á öðrum lögum.
     Við gildistöku laga þessara verður eftirfarandi breyting á lögum um félagslegan viðbótarstuðning við aldraða, nr. 74/2020: Í stað orðanna „36.500 kr. almennt frítekjumark á mánuði“ í 2. málsl. 1. mgr. 5. gr. laganna kemur: almennt frítekjumark ellilífeyris samkvæmt lögum um almannatryggingar.

Samþykkt á Alþingi 18. desember 2025.