Gunnar Bragi Sveinsson
Þingseta
Alþingismaður Norðvesturkjördæmis 2009–2017 (Framsóknarflokkur) og Suðvesturkjördæmis 2017–2021 (Miðflokkurinn).
Utanríkisráðherra 2013–2016, sjávarútvegs- og landbúnaðarráðherra 2016–2017.
Formaður þingflokks Framsóknarmanna 2009–2013. Formaður þingflokks Miðflokksins 2017–2021.
Æviágrip
Fæddur á Sauðárkróki 9. júní 1968. Foreldrar: Sveinn Margeir Friðvinsson (fæddur 19. september 1938, dáinn 25. júní 2017) og Ingibjörg Gunnhildur Jósafatsdóttir (fædd 13. maí 1940). Maki 1: Elva Björk Guðmundsdóttir (fædd 1. apríl 1969) húsmóðir. Þau skildu. Foreldrar: Guðmundur Frímannsson og Sigurlaug Guðmundsdóttir. Synir: Sveinn Rúnar (1993), Ingi Sigþór (2000), Róbert Smári (2000). Stjúpsynir, synir Elvu Bjarkar: Arnar Þór Sigurðsson (1988), Frímann Viktor Sigurðsson (1989). Maki 2: Sunna Gunnars Marteinsdóttir (fædd 25. júní 1984) stjórnmálafulltrúi. Foreldrar: Helga Björnsdóttir og Marteinn Magnússon. Stjúpdóttir, dóttir Sunnu: Guðrún Margrét Sigurbjörnsdóttir (2011).
Stúdentspróf FNV á Sauðárkróki 1989. Nám í atvinnulífsfélagsfræði við HÍ.
Verslunarstjóri Ábæjar 1989–1990 og 1991–1995. Verkamaður og gæslumaður í Steinullarverksmiðjunni 1989–1991. Ritstjóri héraðsfréttablaðsins Einherja 1991–1992. Sölu- og verslunarstjóri hjá Skeljungi hf. 1996–1997. Aðstoðarmaður félagsmálaráðherra 1997–1999. Markaðsráðgjafi hjá Íslensku auglýsingastofunni 1999. Starfaði á verslunarsviði Kaupfélags Skagfirðinga 2000–2002. Framkvæmdastjóri Ábæjar 2002–2003. Framkvæmdastjóri Ábæjar-veitinga ehf. 2004–2007. Utanríkisráðherra 23. maí 2013 til 7. apríl 2016. Sjávarútvegs- og landbúnaðarráðherra 7. apríl 2016 til 11. janúar 2017. 1. varaformaður Miðflokksins síðan apríl 2018.
Í stjórn Húsnæðissamvinnufélags Skagafjarðar og í stjórn Brynju, hússjóðs Öryrkjabandalags Íslands, 1998–2000. Formaður stjórnar varasjóðs viðbótarlána 1998–2002. Formaður Félags ungra Framsóknarmanna í Skagafirði. Varaformaður kjördæmissambands Framsóknarflokksins í Norðurlandskjördæmi vestra. Annar varaforseti sveitarstjórnar Sveitarfélagsins Skagafjarðar 2002–2006, varaforseti 2006–2009. Formaður byggðaráðs Skagafjarðar 2006–2009. Varaformaður atvinnu- og ferðamálanefndar Skagafjarðar 2006–2009. Formaður Gagnaveitu Skagafjarðar 2006–2009. Formaður stjórnar Norðurár bs., sorpsamlags, 2006–2009. Formaður stjórnar Samtaka sveitarfélaga á Norðurlandi vestra 2006–2009. Í stjórn Hátækniseturs Íslands ses. 2007–2009. Í menningarráði Norðurlands vestra 2008–2009.
Alþingismaður Norðvesturkjördæmis 2009–2017 (Framsóknarflokkur) og Suðvesturkjördæmis 2017–2021 (Miðflokkurinn).
Utanríkisráðherra 2013–2016, sjávarútvegs- og landbúnaðarráðherra 2016–2017.
Formaður þingflokks Framsóknarmanna 2009–2013. Formaður þingflokks Miðflokksins 2017–2021.
Iðnaðarnefnd 2009–2011, þingskapanefnd 2011–2013, utanríkismálanefnd 2011–2013 og 2017–2021, umhverfis- og samgöngunefnd 2017.
Íslandsdeild þings Öryggis- og samvinnustofnunar Evrópu 2017 (formaður 2017) og 2017–2021 (formaður 2017–2021), þingmannanefnd Íslands og ESB 2018–2021.
Æviágripi síðast breytt 26. janúar 2022.
Æviágrip þingmanna eru almennt ekki uppfærð eftir að þingsetu lýkur, nema leiðrétta þurfi augljósar villur.
