Aðrar útgáfur af skjalinu: PDF Word Perfect.

Þingskjal 410, 155. löggjafarþing 320. mál: almannatryggingar (eingreiðsla).
Lög nr. 137 28. nóvember 2024.

---

Lög um breytingu á lögum um almannatryggingar, nr. 100/2007 (eingreiðsla).

1. gr.

     Við ákvæði til bráðabirgða í lögunum bætist nýr töluliður, svohljóðandi: Þeir sem eiga rétt á greiðslu örorkulífeyris skv. 24. gr., sbr. 26. gr., eða endurhæfingarlífeyris skv. 7. gr. laga um félagslega aðstoð, nr. 99/2007, á árinu 2024 skulu fá eingreiðslu að fjárhæð 70.364 kr. Hafi lífeyrisþegi fengið greiddar bætur hluta úr ári skal eingreiðslan vera í hlutfalli við greiðsluréttindi hans á árinu. Eingreiðsla þessi, sem skal innt af hendi eigi síðar en 31. desember 2024, skal ekki teljast til tekna greiðsluþega og ekki leiða til skerðingar annarra greiðslna.

2. gr.

     Lög þessi öðlast þegar gildi.

Samþykkt á Alþingi 18. nóvember 2024.