Aðrar útgáfur af skjalinu:
PDF
Word Perfect.
Þingskjal 384, 126. löggjafarþing 199. mál: tekjustofnar sveitarfélaga (útsvar, fasteignaskattur o.fl.).
Lög nr. 144 30. nóvember 2000.
Leggja skal árlega fasteignaskatt á allar fasteignir sem metnar eru í fasteignamati 31. desember á næstliðnu ári, sbr. þó 5. gr.
Stofn til álagningar fasteignaskatts á allar fasteignir skal vera fasteignamat þeirra.
Allar aðrar fasteignir, svo sem iðnaðar-, skrifstofu- og verslunarhúsnæði, fiskeldismannvirki, veiðihús og mannvirki sem nýtt eru fyrir ferðaþjónustu.
Þar sem svo háttar til að hagkvæmara er að mati sveitarstjórnar að leggja vatnsveitu að einstökum bæjum í dreifbýli, sbr. 2. mgr. 1. gr. laga nr. 81/1991, um vatnsveitur sveitarfélaga, með síðari breytingum, er heimilt að greiða framlög úr Jöfnunarsjóði sveitarfélaga vegna stofnkostnaðar við vatnsveitu á vegum eigenda einstakra lögbýla. Heildarfjárhæð framlaga úr sjóðnum til framkvæmda á hverju ári skal ekki fara umfram 25 millj. kr. Stjórn Bændasamtaka Íslands gerir í lok hvers árs tillögur til félagsmálaráðuneytisins um framlög vegna einstakra framkvæmda á því ári á grundvelli reglugerðar sem ráðherra setur og annast greiðslur til framkvæmdaraðila.
Þingskjal 384, 126. löggjafarþing 199. mál: tekjustofnar sveitarfélaga (útsvar, fasteignaskattur o.fl.).
Lög nr. 144 30. nóvember 2000.
Lög um breytingu á lögum um tekjustofna sveitarfélaga, nr. 4/1995, með síðari breytingum.
1. gr.
1. og 2. mgr. 3. gr. laganna orðast svo:Leggja skal árlega fasteignaskatt á allar fasteignir sem metnar eru í fasteignamati 31. desember á næstliðnu ári, sbr. þó 5. gr.
Stofn til álagningar fasteignaskatts á allar fasteignir skal vera fasteignamat þeirra.
2. gr.
Eftirtaldar breytingar verða á a-lið 3. mgr. 3. gr. laganna:- Á eftir orðinu „erfðafestulönd“ kemur: í dreifbýli.
- Orðin „sem ekki eru nytjaðar til annars en landbúnaðar“ falla brott.
- Á eftir orðunum „sem tengd eru landbúnaði“ kemur: öll hlunnindi.
3. gr.
B-liður 3. mgr. 3. gr. laganna orðast svo: Allt að 1,32% af álagningarstofni:Allar aðrar fasteignir, svo sem iðnaðar-, skrifstofu- og verslunarhúsnæði, fiskeldismannvirki, veiðihús og mannvirki sem nýtt eru fyrir ferðaþjónustu.
4. gr.
Við 8. gr. laganna bætist nýr stafliður er orðast svo: Framlag úr ríkissjóði er nemi 0,64% af skatttekjum ríkissjóðs af beinum og óbeinum sköttum sem innheimtir eru í ríkissjóð. Skal því varið til að jafna tekjutap einstakra sveitarfélaga vegna lækkunar fasteignaskattstekna í kjölfar breytingar á álagningarstofni mannvirkja. Ráðherra setur reglugerð um framkvæmd þessa ákvæðis í samráði við Samband íslenskra sveitarfélaga.5. gr.
Við 13. gr. laganna bætist ný málsgrein, svohljóðandi:Þar sem svo háttar til að hagkvæmara er að mati sveitarstjórnar að leggja vatnsveitu að einstökum bæjum í dreifbýli, sbr. 2. mgr. 1. gr. laga nr. 81/1991, um vatnsveitur sveitarfélaga, með síðari breytingum, er heimilt að greiða framlög úr Jöfnunarsjóði sveitarfélaga vegna stofnkostnaðar við vatnsveitu á vegum eigenda einstakra lögbýla. Heildarfjárhæð framlaga úr sjóðnum til framkvæmda á hverju ári skal ekki fara umfram 25 millj. kr. Stjórn Bændasamtaka Íslands gerir í lok hvers árs tillögur til félagsmálaráðuneytisins um framlög vegna einstakra framkvæmda á því ári á grundvelli reglugerðar sem ráðherra setur og annast greiðslur til framkvæmdaraðila.
6. gr.
Í stað „12,04%“ í 1. mgr. 23. gr. laganna kemur: 13,03%.7. gr.
Við lögin bætast tvö ný ákvæði til bráðabirgða er orðast svo:- (V.)
- (VI.)
8. gr.
Lög þessi öðlast þegar gildi.Samþykkt á Alþingi 29. nóvember 2000.
