 Jóhann Ársælsson Fæddur í Ólafsvík 7. desember 1943. Foreldrar: Ársæll Jónsson (fæddur 25. september 1918, dáinn 12. ágúst 1996) frá Arnarstapa, vitavörður og bóndi, síðan hafnarstjóri í Rifi og kona hans Anna Sigrún Jóhannsdóttir (fædd 3. júní 1919, dáin 26. maí 2000) húsmóðir. Maki (27. maí 1966): Guðbjörg Róbertsdóttir (fædd 10. júlí 1944) skólaritari. Foreldrar: Róbert E. Duplease og Þorgerður Jóna Oddsdóttir. Börn: Ársæll (1966), Ægir (1968), Kári (1970), Gerður Jóhanna (1976). Nám í skipasmíði 1961-1965, skipasmíðameistari 1965. Framkvæmdastjóri Bátastöðvarinnar Knarrar á Akranesi 1974-1991 og 1995-1999. Bæjarfulltrúi á Akranesi 1974-1982 og 1986-1990. Í stjórn Sementsverksmiðju ríkisins 1977-1981. Í stjórn HAB 1979-1987. Í miðstjórn Alþýðubandalagsins síðan 1987. Í stjórn Síldarverksmiðja ríkisins 1992-1993. Í bankaráði Landsbankans 1995-1998. Alþingismaður Vesturlands 1991-1995 (Alþýðubandalag) og 1999-2003 (Samfylkingin), alþingismaður Norðvesturkjördæmis 2003-2007. Varaþingmaður Vesturlands október 1984 (Alþýðubandalag). Sjávarútvegsnefnd 1991-1995 og 1999-2007, samgöngunefnd 1991-1995 og 2003-2004, umhverfisnefnd 2000-2003, sérnefnd um stjórnarskrármál 1999 og 2000-2002, kjörbréfanefnd 2003-2007, iðnaðarnefnd 2004-2007, landbúnaðarnefnd 2006-2007.
|
