Á forsíðu
Þingmál
Þingmenn
Þingfundir
Ræður
Lagasafn
Þingnefndir
Alþjóðastarf
Bein útsending


Næst í nærmynd
Kolbeinn Óttarsson Proppé
6. þm. RS, Vg, KÓP
Kolbeinn Óttarsson Proppé

   
Kjartan Ólafsson

Kjartan Ólafsson

Fæddur í Reykjavík 2. nóvember 1953. Foreldrar: Ólafur Jónsson (fæddur 29. mars 1922, dáinn 18. febrúar 2005) framkvæmdastjóri og kona hans Hugborg Benediktsdóttir (fædd 27. febrúar 1922, dáin 23. október 2002) húsmóðir. Maki (27. desember 1980): Arna Kristín Hjaltadóttir (fædd 28. september 1957) skrifstofumaður. Foreldrar: Hjalti Þórðarson og kona hans Elínbjörg Ólöf Guðjónsdóttir. Börn: Hjalti Jón (1980), Hugborg (1982), Herdís Ólöf (1986).

Próf frá Garðyrkjuskóla ríkisins 1974 og garðyrkjuskólunum í Söhus og Beder í Danmörku 1975 og 1976.

Ráðunautur hjá Búnaðarsambandi Suðurlands 1976-1986. Fjármálastjóri Búnaðarsambands Suðurlands 1986-1998. Framkvæmdastjóri Steypustöðvar Suðurlands 1998-2004.

Í stjórn Skógræktarfélags Íslands 1979-1984. Í stjórn Félags ungra sjálfstæðismanna í Suðurlandskjördæmi og formaður þess um fjögurra ára skeið. Í stjórn Landgræðslusjóðs 1979-1984. Formaður Skógræktarfélags Árnesinga 1981-1996 og situr þar enn í stjórn. Í stjórn sjálfstæðisfélagsins Óðins á Selfossi um sex ára skeið. Í stjórn Áburðarverksmiðju ríkisins 1988-1993. Formaður heilbrigðisnefndar Ölfushrepps 1990-1998. Formaður Sambands garðyrkjubænda 1990-2002. Í stjórn réttargeðdeildarinnar á Sogni 1992-1996. Formaður kjördæmisráðs Sjálfstæðisflokksins í Suðurlandskjördæmi 1994-1995. Fulltrúi á Búnaðarþingi 1995-2003. Í stjórn hestamannafélagsins Sleipnis um tveggja ára skeið. Formaður umhverfisnefndar Sveitarfélagsins Ölfuss 1998-2003. Í stjórn Framleiðnisjóðs landbúnaðarins 2000-2009. Í Þingvallanefnd 2008-2009.

Alþingismaður Suðurlands 2001-2003, alþingismaður Suðurkjördæmis 2004-2009 (Sjálfstæðisflokkur).

Varaþingmaður Suðurlands okt. 2000, varaþingmaður Suðurkjördæmis maí 2003, október 2003 til maí 2004 og júlí 2004 (Sjálfstæðisflokkur).

3. varaforseti Alþingis 2007-2009, 1. varaforseti Alþingis 2009.

Allsherjarnefnd 2001-2003 og 2004-2007, iðnaðarnefnd 2001-2003 og 2004-2007, menntamálanefnd 2001-2003 og 2004-2007, umhverfisnefnd 2004-2009, sjávarútvegs- og landbúnaðarnefnd 2007-2009.

Íslandsdeild Vestnorræna ráðsins 2001-2003 og 2004-2005, Íslandsdeild Norðurlandaráðs 2005-2009.



Síðast breytt 20.02.2020.





Þingmenn í stafrófsröð

Skammstafanir í æviágripum



Öllum fyrirspurnum, ábendingum og tillögum um
vef Alþingis skal beint til ritstjóra vefs Alþingis.