Á forsíðu
Þingmál
Þingmenn
Þingfundir
Ræður
Lagasafn
Þingnefndir
Alþjóðastarf
Bein útsending


Næst í nærmynd
Vilhjálmur Árnason
9. þm. SU, S, VilÁ
Vilhjálmur Árnason

   
Tómas Ingi Olrich

Tómas Ingi Olrich

Fæddur á Akureyri 13. febrúar 1943. Foreldrar: Henry Olrich (fæddur 12. september 1908) framkvæmdastjóri í Noregi og Margrét Steingrímsdóttir (fædd 27. mars 1912, dáin 8. júlí 1995) klæðskerameistari og verslunarmaður á Akureyri. Maki 1 (8. ágúst 1964): Hjördís Daníelsdóttir (fædd 26. ágúst 1945) röntgentæknir. Þau skildu. Foreldrar: Daníel Helgason og kona hans Helga Blöndal. Maki 2 (20. júní 1981): Nína Þórðardóttir (fædd 10. desember 1946) starfsmaður Ríkisútvarpsins á Akureyri. Foreldrar: Þórður Gunnarsson og kona hans Guðrún Ísberg, dóttir Guðbrands Ísbergs alþingismanns. Dætur Tómasar og Hjördísar: Margrét (1964), Helga (1965). Dætur Nínu af fyrra hjónabandi: Sunna Guðrún Sigurðardóttir (1972), Vala Þóra Sigurðardóttir (1977).

Stúdentspróf MA 1963. Nám í frönsku og sagnfræði við HÍ 1963-1964. Nám í frönsku og frönskum bókmenntum, ensku og atvinnulandafræði við Montpellier-háskóla í Frakklandi. Licence ès lettres-próf 1967, Maître ès lettres modernes 1970.

Kennari við Menntaskólann á Akureyri 1970-1991, aðstoðarskólameistari 1973-1983. Hótelstjóri Hótel Eddu Akureyri 1971-1973. Ritstjóri Íslendings á Akureyri 1984-1985. Skipaður 2. mars 2002 menntamálaráðherra, lausn 23. maí 2003. Skipaður 23. maí 2003 menntamálaráðherra, lausn 31. desember 2003.

Formaður Skógræktarfélags Eyfirðinga 1983-1991. Í stjórn Skógræktarfélags Íslands 1985-1991. Formaður háskólanefndar Akureyrar 1985-1987. Sat í fyrstu stjórn Háskólans á Akureyri 1988-1990. Í stjórn Knattspyrnufélags Akureyrar 1988-1991. Formaður skipulagsnefndar Akureyrar 1990-1991. Í stjórn Slippstöðvarinnar á Akureyri 1991-1992. Í Rannsóknaráði ríkisins 1991-1993. Formaður Ferðamálaráðs Íslands síðan 1999, varaformaður þess 1993-1999. Fulltrúi Íslands á þingi Evrópuráðsins 1995. Í fastanefnd þingmannasamtaka Norðurheimskautssvæðanna 1999-2002.

Alþingismaður Norðurlands eystra 1991-2003, alþingismaður Norðausturkjördæmis 2003 (Sjálfstæðisflokkur).

Menntamálaráðherra 2002-2003.

Iðnaðarnefnd 1991-1995, menntamálanefnd 1991-2001, umhverfisnefnd 1991-1999, sérnefnd um stjórnarskrármál 1994-1996 og 2000-2002, utanríkismálanefnd 1995-2002 (formaður 1998-2002), heilbrigðis- og trygginganefnd 1999-2002, fjárlaganefnd 2001-2002.

Íslandsdeild NATO-þingsins 1991-1993 og 1999-2002 (formaður 1999-2002), Íslandsdeild ÖSE-þingsins 1993-1995 (formaður).


Ritstjóri: Íslendingur (1984-1985).


Síðast breytt 07.10.2019. Upplýsingar um nefndarstörf ná aftur til ársins 1991 (115. löggjafarþing). Sjá annars nefndasetur





Þingmenn í stafrófsröð

Skammstafanir í æviágripum



Öllum fyrirspurnum, ábendingum og tillögum um
vef Alþingis skal beint til ritstjóra vefs Alþingis.