Lagasafn.  Íslensk lög 20. september 2019.  Útgáfa 149c.  Prenta í tveimur dálkum.

---

Lög um aðild Íslands að samningi um stofnun aðstoðarsjóðs á vegum Efnahags- og [framfarastofnunar]¹⁾

1976 nr. 25 6. maí

---

    ¹⁾L. 98/2009, 7. gr.
Ferill málsins á Alþingi.    Frumvarp til laga.

Tóku gildi 28. maí 1976. Breytt með: L. 98/2009 (tóku gildi 1. okt. 2009 nema 69. og 70. gr. sem tóku gildi 1. jan. 2010). L. 126/2011 (tóku gildi 30. sept. 2011).

Ef í lögum þessum er getið um ráðherra eða ráðuneyti án þess að málefnasvið sé tilgreint sérstaklega eða til þess vísað, er átt við fjármála- og efnahagsráðherra eða fjármála- og efnahagsráðuneyti sem fer með lög þessi. Upplýsingar um málefnasvið ráðuneyta skv. forsetaúrskurði er að finna hér.

---

1. gr.
Ríkisstjórninni skal heimilt að fullgilda fyrir Íslands hönd samning, dags. 9. apríl 1975, um stofnun aðstoðarsjóðs — Financial Support Fund — á vegum Efnahags- og [framfarastofnunar] ¹⁾ (OECD).
    ¹⁾L. 98/2009, 7. gr.
2. gr.
[Ráðherra] ¹⁾ skipar fulltrúa Íslands í stjórn sjóðsins og annan til vara.
    ¹⁾L. 126/2011, 68. gr.
3. gr.
Ríkisstjórninni heimilast að ábyrgjast hluta Íslands í skuldbindingum sjóðsins allt að jafnvirði 25 milljóna dollara og að taka lán úr sjóðnum allt að sömu fjárhæð.