Lagasafn.  Íslensk lög 10. janúar 2020.  Útgáfa 150a.  Prenta í tveimur dálkum.

---

Lög um átaksverkefni um framleiðslu og markaðssetningu vistvænna og lífrænna afurða

1995 nr. 27 3. mars

---

Ferill málsins á Alþingi.    Frumvarp til laga.

Tóku gildi 9. mars 1995. Breytt með: L. 79/2000 (tóku gildi 2. júní 2000). L. 126/2011 (tóku gildi 30. sept. 2011).

Ef í lögum þessum er getið um ráðherra eða ráðuneyti án þess að málefnasvið sé tilgreint sérstaklega eða til þess vísað, er átt við sjávarútvegs- og landbúnaðarráðherra eða atvinnuvega- og nýsköpunarráðuneyti sem fer með lög þessi. Upplýsingar um málefnasvið ráðuneyta skv. forsetaúrskurði er að finna hér.

---

1. gr.
Efnt skal til átaksverkefnis um vöruþróun og sölu íslenskra afurða undir merkjum hollustu, hreinleika og sjálfbærrar þróunar á innlendum og erlendum mörkuðum.
2. gr.
[Ráðherra] ¹⁾ skipar fjóra menn í stjórn átaksverkefnisins og skal einn tilnefndur af [ráðuneytinu], ¹⁾ einn af [því ráðuneyti er fer með málefni landgræðslu], ¹⁾ einn af bændasamtökunum og einn samkvæmt tilnefningu VOR, landssamtaka bænda í lífrænum búskap.
[Ráðherra] ¹⁾ skipar formann úr hópi stjórnarmanna. Ef atkvæði falla jafnt við ákvarðanatöku hjá stjórninni ræður atkvæði formanns.
    ¹⁾L. 126/2011, 207. gr.
3. gr.
Stjórn verkefnisins skal stuðla að verkefnum á sviði fræðslu um vistvæna og lífræna framleiðslu, gæðastjórnunar, áætlanagerðar, vöruþróunar og markaðssetningar íslenskra afurða undir merkjum hollustu, hreinleika og gæða.
Með lífrænni framleiðslu í lögum þessum er átt við þá framleiðslu er fellur undir 6. gr. laga nr. 162/1994, um lífræna landbúnaðarframleiðslu.
4. gr.
[Ríkissjóður leggur átaksverkefninu til 25 millj. kr. á ári á fjárlögum árin 2000–2002.] ^{1)
    1)}L. 79/2000, 1. gr.
5. gr.
[Ráðherra] ¹⁾ hefur yfirumsjón með framkvæmd laga þessara.
    ¹⁾L. 126/2011, 207. gr.
6. gr.
Lög þessi öðlast þegar gildi.