Ferill 499. máls. Aðrar útgáfur af skjalinu: Word Perfect.
1988–89. – 1058 ár frá stofnun Alþingis.
111. löggjafarþing. – 499 . mál.
Nd.
1271. Breytingartillögur
við frv. til l. um ráðstafanir vegna kjarasamninga.
Frá Matthíasi Bjarnasyni.
1. Við 1. gr. Síðasta málsgrein orðist svo:
. Lán skv. 1. mgr. þessarar greinar skal undanþegið stimpilgjaldi og greiðist úr ríkissjóði.
2. Við 2. gr. bætist:
. Endurgreiða skal gjald af erlendum lánum sem tekin hafa verið fyrir gildistöku laga þessara en hafa þá ekki verið endurlánuð.
3. Við 4. gr. Upphaf greinarinnar orðist svo:
. Eftirtalin tollskrárnúmer falla brott úr a-lið 3. gr. laga nr. 97/1987, um vörugjald, sbr. 1. gr. laga nr. 95/1988.
4. Við bætist ný grein er verði 9. gr. og orðist svo:
. Hámarksfjárhæðir í 2. málsl. 1. mgr. 2. gr. laga nr. 9/1984, um frádrátt frá skattskyldum tekjum vegna fjárfestingar manna í atvinnurekstri, sbr. lög nr. 88/1986, breytist þannig að í stað „45.900 kr.“ komi: 250.000 kr. og í stað „91.800 kr.“ komi: 500.000 kr.
5. Við bætist ný grein er verði 10. gr. og orðist svo:
. Við 10. gr. laga nr. 9/1984, um frádrátt frá skattskyldum tekjum vegna fjárfestingar manna í atvinnurekstri, bætist ný málsgrein sem verður 2. mgr. og hljóðar svo:
. Fjárhæð umfram frádráttarmörk, sem lögð er í hlutafjáraukningu í hlutafélagi eða lögð til hlutafjárkaupa við stofnun hlutafélags, er heimilt að flytja og nýta á tveimur næstu árum. Ónýtt frádráttarheimild tekur hækkunum með sama hætti og fjárhæðir skv. 2. gr.
6. Við bætist ný grein er verði 11. gr. og orðist svo:
. Á eftir fyrri málsgrein 11. gr. laga nr. 9/1984, um frádrátt frá skattskyldum tekjum vegna fjárfestingar manna í atvinnurekstri, komi ný málsgrein er verði 3. mgr. og hljóði svo:
. Þegar um er að ræða útboð nýs hlutafjár í starfandi hlutafélagi og engar hömlur eru lagðar á viðskipti með hin nýju hlutabréf skal frádráttur skv. 10. gr. heimill þótt ekki sé fullnægt skilyrðum um lágmarksfjárhæð hlutafjár og lágmarksfjölda hluthafa.
